KRISTNASKO |
Kristo-infan', al la kripo ni venas
Verkis (Esperante) : Ferdinand HRUŠAT, 1993, kaj Albrecht KRONENBERGER, 1995
Fonto : Ad 239
Kristo-infan', al la kripo ni venas,
portas donacojn kaj kante Vin benas,
donas amante al Vi nian koron,
bonvenigante Vin, nian Sinjoron.
Kristo-infan', elĉiele Vi venis,
korpon homecan mirige alprenis,
ne ektimante pro nia malriĉo,
por nin regali per Dia feliĉo.
Melodio: KRISTO-INFAN'
Komponis : Ferdinand HRUŠAT, 1993
MIDI Ad*