La saĝular' ekmiris

La saĝular' ekmiris, ĉar
   eksaltis supren stelo,
kaj ĝojon portis en la kor'
   pro l' kanto de l' anĝelo:

      Hosana, hosana!
      Hosana al lia nom'!

Per stela bril' al la humil'
   de trogo ili venis:
malpompa lit' por la vizit'
   de Kiu suverenis.

      Hosana, hosana!
      Hosana al lia nom'!

Tra l' tuta mond' la Krist-rakont'
   ankoraŭ sin eldonas,
kaj kanta glor' de l' anĝel-ĥor'
   en ĉiu lingvo sonas:

      Hosana, hosana!
      Hosana al lia nom'!

La stelo sian brilradion
   ĉiulanden ĵetos,
ĝis al la pac' sen halt' aŭ lac'
   la tuta ter' impetos.

      Hosana, hosana!
      Hosana al lia nom'!