Malgraŭ mia vasteta lerteco
Glora Nescio

Malgraŭ mia vasteta lerteco
Tute al mi mankas la certeco
Pri kio entenas ĉiu tago
Kiel al vento cedas la flago
Tiel al Vi mi cedas mian vojon.

Mi ne timas kion ajn mi vidas
Ĉar min Vi bone konstante gvidas
Vi gvidas per Via granda mano
Al la loko de eterna pano
Dum mi cedas al Vi mian vojon.

Glora nescio tio jam estas
Ĉar nun ĉe mi Vi eterne restas
Kaj je l' monda morta homa scio
Mi libere senigas min, ho Dio
Pro bezono de forta fid' al Vi.