KRISTNASKO

Pro la Krist-naskiĝo gajas tuta mondo

Pola originalo : Gdy się Chrystus rodzi

Anonima pola teksto, ĉe MMM, 19a jc.
Esperantigis : Henryk PARUZEL en Hodiaŭ ni preĝas
Prilaboris la tradukon : Jan KOS kaj KKB

Fonto : Ad 210

1. Pro la Krist-naskiĝo
   gajas tuta mondo.
      Cedas nokt' malhela,
      brilas lum-abundo.
   kantas ĥoroj de l' anĝeloj,
   ĝoje eĥas tra ĉieloj:
      Gloria, gloria, gloria
      in excelsis Deo.



2. Aŭdas paŝtistaro
   kiu gardas gregon:
      Oni Betleĥemon
      faru nun kuregon;
   ĉar naskiĝis Di-Savanto.
   Indas Li je ĉies kanto.
      Gloria, gloria, gloria
      in excelsis Deo.



3. Kiam greg-gardistoj
   tion ĉi komprenis,
      Betleĥemon ili
      rapideme venis,
   kaj renkontis stalan helon,
   obeante la anĝelon.
      Gloria, gloria, gloria
      in excelsis Deo.



4. Ili staris longe
   plenaj de stuporo,
      ke sin humiligis
      la ĉiel-Sinjoro.
   Poste ĉiuj sin omaĝe
   ĵetis teren sur-vizaĝe.
      Gloria, gloria, gloria
      in excelsis Deo.

Melodio: GDY SIĘ CHRYSTUS RODZI
Anonima pola melodio, ĉe MMM, 19a jc.
MIDI Ad*

estas filia TTTejo de
Eldonejo Cigneto