LA EKLEZIO

Sur Kristo sin apogas la sankta Eklezi'

The Church's One Foundation

Mi kredas je la Sankta Spirito, la sankta katolika eklezio, la komunumo de la sanktuloj, la pardono de la pekoj, la resurekto de la karno kaj la vivo eterna. Amen : Apostola Kredkonfeso

Verkis : Samuel John STONE, 1866
Esperantigis : Clarence BICKNELL

Fonto : AK 90 (= HE 183; kp Ad 666)

Sur Kristo sin apogas la sankta Eklezi';
Per akvo kaj la Vorto kreita estas ŝi;
Por Sia sankt-edzino Li venis el ĉiel';
Per sango ŝin aĉetis, kaj Sia mort-sigel'.
Kaj kvankam elektita el ĉiu mond-naci',
Nur unu kredon, bapton, Sinjoron konas ŝi;
Ŝi benas unu nomon, ŝin nutras unu pan',
Kaj iras ŝi antaŭen laŭ unu Dia plan'.
Mokate de la mondo, ŝi vivas en sufer';
Per skismoj disigata, herezoj kaj malver';
Sanktuloj tamen preĝas por Krista la reven';
Post nokto de plorado la kanto de maten'.
En provo kaj ĉagreno, batalo kaj danĝer',
Atendas ŝi la venkon de paco kaj de ver';
Konstante sopirante plenumon de l' revad',
Ke post bataltriumfo alvenos ripozad'.
Ŝi vivas sur la tero; sed trans Jordana ond'
Ŝi havas anojn ankaŭ en la ĉiela mond'.
Ho sanktaj feliĉuloj! Al Dio preĝu ni,
Ke iam, kiel ili, restadu ni kun Li.

Melodio : AURELIA
Komponis : Samuel Sebastian WESLEY, 1864
MIDI TCH

Alternativa melodio
HERZLICH THUT MICH: "Fondita sur germana mezepoka tradicia melodio" (SoP 249a)
Senakompana melodio : MIDI LBR

estas filia TTTejo de
Eldonejo Cigneto