JESUO : AMIKO

Trans imag' Jesu' amikas

Originalo : What a friend we have in Jesus

Verkis (angle) : Joseph M. Scriven, 1855

Esperantigis : Reinhard Pflueger, 2006

Notoj kaj variantoj

1. Trans imag' Jesu' amikas -
   kia la privilegi',
   ke li portas nian ŝuldon.
   Preĝe donu ĝin al li.
   Kiom ni disipas ŝancojn
   pri anima harmoni',
   sole ĉar ni rezignadas
   preĝe turni nin al li.

2. En danĝero kaj aflikto,
   tento kaj eĉ tragedi'
   ni neniam malesperu.
   Preĝe prenu ĝin al li,
   la fidela akompano.
   Amikec' ne eblas pli.
   Konas li malforton ĉiun,
   preĝe portu ĝin al li.

3. Zorgoŝarĝo ofte pezas,
   kaj senfina la defi'.
   Ĉion la Savant' superas.
   Preĝe fuĝu ni al li.
   Se forturnas sin amikoj,
   preĝe diru ĝin al li.
   Vin konsole ĉirkaŭbrakos
   la Unika sen kopi'.

4. Vi, Savant', promesis porti
   ŝarĝojn niajn tie ĉi.
   Tial ilin ni demetu
   ĉiujn preĝe nur ĉe vi.
   Baldaŭ preĝoj ne necesos
   ĉe la brila tron' de Di'.
   Ĝis etern' ni restos rave
   en ador' kaj laŭd' al Li.

Melodio : ERIE
Komponis : Charles C. Converse, 1868
MIDI TCH*

Alternativa melodio:

FRIEND

Komponis : George C. Stebbins, 1878

Cyberhymnal.org atentigas ankaŭ pri uzebleco de

BEECHER kaj BLAENWERN

---

estas filia TTTejo de
Eldonejo Cigneto