DIA SAĜO
|
Verkis (Esperante) : F. G. ROWE
Fonto : HE 17
Venu, kaj el plena koro
nun al Dio kantu ni:
De naskiĝo ĝis hodiaĝ
patre nin regadis li.
Laŭdon al plej alta Dio!
Laŭdon! Laŭdon! Laŭdon!
Belegecon al pejzaĝo,
bonodoron al la flor',
donis li, kaj donas; tial
laŭdu lin el danka kor'.
Laŭdon al plej alta Dio!
Laŭdon! Laŭdon! Laŭdon!
Pro ridetoj de printempo,
pro la gloro de somer';
pro la fruktoj de aŭtuno,
pro la vintra frost-veter':
Laŭdon al plej alta Dio!
Laŭdon! Laŭdon! Laŭdon!
Venu do, ni kantu laŭdon
al la ĉiopova Di';
ĝis al hejmo enĉiela
ame nin kondukos li.
Laŭdon al plej alta Dio!
Laŭdon! Laŭdon! Laŭdon!
Melodio : ORIEL
Komponis : Caspar ETT, 1840
MIDI TCH