Na vota cchi 'sti povareddhi 'ncominciaru ma si costruinnu i casi,cominciaru puru ma costruiscianu i muri 'ppe proteziona. Quandu ritornaru i saraceni,non videndu nuddhu subba a spiaggia,pensaru:"wallah halla halla kabul salam halla?",cchi tradottu 'nta lingua nostra volia dira "vo' ma vidi ca sti figghi e cu**larga si ricogghiru subba i muntagni?". Infatti non appena arrivaru sutta i mura 'ncominciarunu ma iestimanu a madonna. U capu loru allora dissa "si non potimu trasira intru,aspettamuli fhora!Tantu prima o poi hannu e nescira ma mangianu!". Doppu misati interi,i catanzharisi non da potianu cchiu'!Si tagghiava a fhama ccu u petittu!A na vota pero' ad ancunu cci vinna n'idea:"Sentiti pecchi' non facimu dei fhormaggi ccu u latta dei mugghieri nostri?Accussi' chissi si pensanu ca avimu e cchi mangiara 'ppe anni,e sinda vannu!".Accussi' fhiciaru! Quandu i saraceni fhurunu bombardati da provuli,mozzarelli,butirri e quant'atru,dissaru:"Aiaddina abbondanza cchi c'e' a stu Catanzharu!E quandu cazzu trasimu cchiu?".E pigghiaru e sinda jiru. Ma i mura non serbianu sulu ppe difhesa,ma puru comu dogana!Aviti e sapira ca chiddi cchi volianu ma portanu ancuna cosa a Catanzharu,avianu ma paganu na tassa. I cantazharisi pero' si scordaru ma tassanu a trippa e u pana azzimu e l'ebrei.Accussi' nu iornu,'nto mercatu na guardia d'a fhinanza catanzharisa,vitta n'ebreu cchi si stacia mangiandu na cosa strana."Ehi tu,che cosa ti stai manciando?","nenta signo'.Nu pocu e stu pana iancu,ccu nu pocu e trippa.Si voliti fhavorira...". Ala guardia 'ncominciaru ma cci ridanu l'occhi!Doppu cchi sinda fhuttiu na cinquina,cci dissa "Ma comu si chiama sta' bonta'?".L'ebreu cci rispundiu:"chissu e' u Morzeddhu!". |