Nu iornu 'nu catanzharisa si ricogghiu e fhora.Chissu avia jiutu a lu matrimoniu d'a cognata cchi si avia sposatu a nu napulitanu.Quandu si ricogghiu,tutti vozzeru sapira com'era Napuli. "...Eh!Napuli e' davveru randa!Decia voti cchiu' randa e Catanzharu!". "Se'..e i napulitani comu su'?"."Mah,appena arrivavi mi fricaru u carru,e u caruseddhu,duva avia misu i sordi ppe u viaggiu!". "A madonna ma si spendanu tutti in medicini!",ci dissa n'amicu. "No!!!",rispundiu iddhu,"e' impossibbila!Tutti i napulitani sunnu protetti da nu santu potente,cchi i proteggia e tutti i iestimi e malatii!Stu santu si chiama Gennaru!". "Mo' cchi cci pensu....nui nu santu patronu non l'avimu...penzica nu scordammi....fha na cosa..a prossima vota cchi vai a Napuli,chiedici a stu san Gennaru ssi vo' ma diventa puru u patronu e Catanzharu!". Doppu nu paru e misi,chissu tornau n'atra vota e Napuli. "Se' allora parrasti ccu san Gennaru?". "Si' cci chiedivi ssi vo' ma diventa puru patronu e Catanzharu,ma mi dissa nun ma l'affriggimu,ca ava tantu e cchi fhara cchi i napulitani.Pero' mi consigliau n'amicu dei soi,cchi ssi chiama Vitalianu. Chissu e' libberu,e s'offriu ma diventa u Patrona nostru!". Doppu nu pocu e tempu,i genti 'ncuminciaru ma si lamentanu: "Non 'nda volimu santi e scartu...volimu sulu santi e serie A","Chissu non fha nenta da matina ala sira...","s'abbuffa e pecorinu e sozizzi,e s'ancunu ci cerca ancuna cosa,s'arraggia puru!!". Nu iornu pero',ali porti d'a citta' bussau n'appestatu. "Apriti,apriti…curatimi ca staiu mala..."."Pecchi' cchi hai?",ci chiediru i catanzarisi,"haiu a peste",ci dissa chiddu,"In tutta a Calabria i genti moranu e l'ospitali sunnu chini,accussi' vozzi ma mi ricoveru ca a Catanzharu". I catanzharisi,si maravigghiaru,pecchi' nessunu e iddhi stacia mala."Vo' ma vidi can san Vitalianu ni fhicia a grazia?","povareddhu c'inda dissimu nu saccu e nu menzu!". Accussi' i genti incuminciarunu ma fhesteggianu a san Vitalianu, vineddhi, vineddhi. "Sentiti,e chiddu d'a fhora chi 'ndavimu e fhara?",dissa unu. "Dassatilu fhora,non u viditi 'ca e' vestutu e russu e 'e blu?Non u vidi ca e' francese?"(pecchi' cchi pensastivu?). |