Auf de schwäb´sche Eisenbahne
gibt´s gar viele Haltstatione:
Schtuegert, Ulm und Biberach,
Mekkebeure, Durlesbach.
Rulla, rulla, rullala,
rulla, rulla, rullala,
Schtuegert, Ulm und Biberach,
Mekkebeure, Durlesbach.

Auf de schwäb´sche Eisenbahne
wollt amol a Bäuerle fahre
goht an Schalter, lupft de Hut:
"Oi Billettle, send so gut!"
Rulla, rulla, rullala,
rulla, rulla, rullala,
goht an Schalter, lupft de Hut:
"Oi Billettle, send so gut!"

Einen Bock hat er sich kaufet,
und daß der ihm net verlaufet,
bindet en de gute Ma
hinte an de Wage a.
Rulla, rulla, rullala,
rulla, rulla, rullala,
bindet en de gute Ma
hinte an de Wage a.

"Böckle, tu nur woidle springe,
´s Fresse werd i dir schon bringe."
Setzt sich zu sei´m Weible na
und brennt´s Tabakspfeifle a.
Rulla, rulla, rullala,
rulla, rulla, rullala,
setzt sich zu sei´m Weible na
und brennt´s Tabakspfeifle a.

Auf de nächste Statione,
wo er will sei Böckle hole
findet er nur Kopf und Soil
an dem hintre Wagetoil.
Rulla, rulla, rullala,
rulla, rulla, rullala,
findet er nur Kopf und Soil
an dem hintre Wagetoil.

Do kriegt er den große Zore,
packt de Goißbock bei de Hore,
schmeißt en, was er schmeiße ka.
"M Konduktör an ranza na:
Rulla, rulla, rullala,
rulla, rulla, rullala,
schmeißt en, was er schmeiße ka.
"M Konduktör an ranza na:

"So, du kannsch de Schade zahle,
warum bisch so schnell au gfahre!
Du alloi bisch Schuld do dra,
daß i d´ Goiß verlaure ha!"
Rulla, rulla, rullala,
rulla, rulla, rullala,
du alloi bisch Schuld do dra,
daß i d´ Goiß verlaure ha!

So, jetzt wär des Liedle g´sunge!
Hat´s euch recht in d´ Ohre klunge?
Wer´s no net begreife ka,
fang´s no mol von vorne a!
Rulla, rulla, rullala,
rulla, rulla, rullala,
wer´s no net begreife ka,
fang´s no mol von vorne a!