KINKI DAY 4 - 紀伊勝浦 ~海岸線駕駛之旅！

 撰文 : CHAKRA

HOME         CAMBODIA         KYUSHU         EGYPT         LINK

唔夠9點就check-out，先在Subway食左個早餐，就開車出發去紀伊勝浦。

到預訂的民宿之前沿途會到幾個景點，先去串本海中公園睇魚魚，同海洋公園有D似，但個水族館的設計靚D，大條魔鬼魚在頭頂遊過，好靚!!仲可以落埋海底睇魚!!   跟住去到本州最南端的潮岬，爬樓梯上左白色燈塔，好鬼大風好鬼凍…不過個view好正!!

去到太地水族館，本來唸住同海豚玩，但唔知好彩定唔好彩，果度剛剛接收左日前在和歌山縣捉到的有”腹鰭”海豚仔(即係話好可能印證到古時海豚有腳在陸上行果條)，館方話由於要爭取時間空間俾小海豚休息同習慣環境，所以無晒表演同接觸海豚的節目。不過就見到工作人員餵海豚同鯨魚!! D海豚好聰明，一知道快開餐就好興奮，又叫又跳，仲識得做動作先有得食!!好可愛呀! 哈哈，我當時就諗起Charco仔!!

將近日落先去到民宿"WAKATAKE" check-in，係一泊二食，嘩，晚餐十分之豐富!! 有sashimi，有shabu shabu，仲有鯨魚肉刺身!!(不過鯨魚肉刺身好難食…舊肉係血淋淋，食落去感覺好raw，係食緊生肉，唔係刺身!! 嗯，有D似生0既豬膶!!@_@)

(我第一次住民宿，我鍾意佢好乾淨，不過房內無廁所，我細膽，夜晚外面熄左燈我唔敢去廁廁!!呵呵!)