KINKI DAY 6 - 返大阪~超級長途行程

 撰文 : CHAKRA

HOME         CAMBODIA         KYUSHU         EGYPT         LINK

晨早checkout民宿，回大阪前，開車去左遊日本最長的鋼索吊橋~谷瀨之吊橋，條橋全長 20m ，睇落都幾濶同幾穩陣，不過其實行0既地方只係有木板，好似行好耐都未到對面山頭咁。見到好多公公婆婆手撓手咁一齊行，好溫馨啊!! 在對住吊橋的餐館食埋午飯後，就驅車去高野山(係加插的！)尋索紅葉，條路都幾遠架，衛星導航話要兩個鐘至到，honey就抖數精神，駕駛”朋友號”在迂迴的山路上遊駛，山路難行，兼且不時有出現單程路遇對頭車(有時仲係貨車)的情況，所以要加倍精神同小心!!   嘻，我呢個導航員梗係最大得益者啦，是關我除左間中提點有對頭車，主要係齋坐，同欣賞沿途五顏六色(因為往高野山沿途已經有紅橙黃綠青色的楓葉了!!)的美麗山景!! 遇到好靚的景色就停車欣賞！

Honey駕駛朋友號扭來扭去，終於扭到山上，差少少就到高野山，點知!!!!前面條路封左wor!! 話有工事、都封左一段時間，去高野山要兜另一條路。哎吔!!點解個衛星導航唔知道架?人地信晒佢跟佢行家嘛!!!去到呢個時候，真係前路茫茫，honey又已經駕車駕到好累了，考慮到回大阪又要一段時間，所以諗住放棄高野山，兜番轉頭搵路回大阪!!點知途中又見到指示去高野山的路標，只係距離 8km 度，honey決定去埋!!於是都係去左高野山!!高野山d紅葉真係多d同紅d(其實未係盛紅但個個山頭彩色的都好美!)，不過原來都未係極絕，是關我地由高野山回大阪的車程中，無意中經過一個好似人間仙境的玉川峽，果度得幾戶人家，好似不食人間煙火咁，咁0岩我地到時，現場有人唔知煙緊mud，背景有一堆輕煙，好似仙境咁呀!!(大家話係咪好靚呢)

今日真係挑戰honey的極限，是關由朝早開始，除左中途停下站食下野，honey就一直駕車直至晚上八點交車!!(回大阪仲塞成個鐘頭車呀!!)起碼駕了8、9個鐘頭車!辛苦晒喇honey!! d(>o<)b