粵華靚仔大晒冷
我們的老師很搞野!!!!!
講得多學生,今次想講下d miss 同亞sir,你唔好睇佢地好嚴肅,擺晒成個先生款,實際上佢地好搞笑架.成日都有d意想不到既事發生,如果佢地合力炮製一部大喜劇,乜野美麗有罪,通通唔係佢對手!!!!!
先黎介紹既係一位新人,佢就係教英文部既miss anna,唔知佢係咪睇得安娜與國王多,吸收左女主角既演技,搞到可以咁精彩,話說有一日,大約得6-7度,好鬼凍,佢去左高一某班代課,一入到去,唔係叫morning class,而係要全部學生除棉立,除手襪,總之乜都要除,同學們問佢做乜要除衫,佢竟然答:"你地好凍咩?",咁都可以問得出,好野!!!有人唔肯除,佢就趕人出門口,話:"出面凍呀,吹下等你冷靜d",之後先到戲肉,佢同某個同學對質,同佢講話:"我知你出面有跟人架,我都有跟人,不過唔似你跟d咁既人,因住俾人斬死"...你話佢幾好野呢,d無厘頭仲勁過星爺,在此希望佢再接再厲啦~~~~~
再黎係一個冷面笑匠,佢係教英文部物理既,佢之所以搞笑,係因為佢教英文部唔識英文,成班f.6得三十幾人佢竟然可以唔記得學生既全名,真係唔知真定假啦,最近力作就係中期監堂,佢疾言厲色咁同學生講:"唔好出貓,如果你地出貓我會寫你地個名出黑板,一個名扣5分",結果令到全班由個心度笑出黎,佢呢種溫馨式喜劇,可能會係下年最收得既戲種!!!!!!
最近香港搞緊健美小姐,其實我地學校都有個健美先生,就係三角佬啦,有日澳門朝早得4度,佢仲可以著住一件短袖衫,短褲通處走,連個身都可以唔震,瘦猛猛既佢依然在寒風底下成個關公咁睇書,唔知佢練咩氣功呢???得閒教番兩招啦,話雖如此,有日澳門20度,佢就著住一條長褲..............
之後就係出名既亞神啦,佢d搞野事件講一個月都講唔晒,例如教倉頡唔識用倉頡啦,條褲成日唔知點解濕晒啦,呢期佢由於太過出風頭,結果係,咁俾人投訴,不過佢功力深厚,用佢係粵華電腦室開國功臣既身份去避左呢一劫,講真佢又真係幾勁,可以令一個高科技既科目搞到好似歷史堂咁,不斷教舊野,將倉頡輸入法變做佢自己發明既部首部身輸入法,仲要教得津津樂道,佢呢種比亞Q精神更出神入化既亞神精神,魯迅都應該甘拜下風啦!!!!!
壓軸啦,係我地既最佳男主角陳主任,話說而家好多人鍾意用籃球當足球踢,陳sir為左保護籃球尊嚴,決定唔俾在籃球場踢籃球,好啦,我地尊重佢,改用足球,點知佢又話要保持籃球場尊嚴,唔俾我地在籃球場用腳踢波,於是我地又尊重佢,用手黎"dup龜",佢就笑笑口咁話:"係啦,用手咪幾好~~"之後就滿面笑容咁走左喇,原來籃球場係唔俾用腳踢波既,我今日先知,第日問下鄭sir睇下有冇呢條例先,不過既然係咁,係咪即係話足球場唔俾用手打波???咁點解大足有咁多籃球架既?????