<EnJoY LiFe 79> - Rei SuShi
今日補祝霍公子嘅生日，約埋阿妹出黎睇戲食飯。
因為買左飛係 IFC 睇，所以隨意揀左去食呢間日本野－－礼鮨。
我地三個人食左唔係好多野咋，
一個吞拿魚刺身，雖然有少少筋，不過已經係我食過最正嘅；
軟殼蟹天婦羅同手卷，普普通通，不過都幾大隻；
海膽山芋天婦羅，整得好靚，都好好味；
焗蠔好正呀，係個麵豉汁鹹左啲；
最後個牛脷超正呀，有啲入口即溶嘅感覺，
一向唔好食牛脷嘅我都覺得好正！
有機會要帶咪咪黎食先得 ~~
今年 IFC 嘅聖誕佈置好靚呀，
係一個識轉嘅摩天輪，好鐘意呀！
食完飯食埋個雪糕之後就啱啱好時間開場，
今日睇套戲係法國電影節嘅 <理想邦 (Andalucia)>，
套戲係一套藝術片，每一個段都拍攝得很有藝術感，
可惜我實在太累了，睡著了.....連結局都睇唔到......
That's my life! =D
VienneTTa 5-December-2008
-------------------------------------------------------------------------------
為理想 全力幹
求突破今天甘流血汗
為理想 獻盡努力 理想邦 我願靠我雙手創
為理想 燃亮我 求讓每分力 全變熱和亮光
要鬥志繼續頑強 要永遠奮起圖強
豪情溶成熱與光
讓每點光 射向前方 讓每點光閃出希望
交織成一張光的網
凝聚了每點光芒 前途漸明朗
美滿前途伴你創
<凝聚每分光>