|
冇野想講...... 只想講：「有你真好∼！Ｍｓ Ｌａｍ！」 只有Ｍｓ Ｌａｍ才最明瞭我 By Ms Lam：「是時候將呢ｄ事劃上句號，你只是欠這個儀式」
＊世界或許有一段不可代替的感情 卻沒有一個人（身份、地位）是不可以代替的
＊放棄原來是因為在乎，太在乎他了，在乎得自己也沒法子承受， 那只好放棄，不讓他再傷害我
１９年的路留下了很多人的影子 這些影子，就是構成「余珈儀」這東西的根基 ＊所有的心得，都是戰戰兢兢的歷程。當時忐忑，後來談笑用兵。 By Ms Lam：「就是有昨日的你，才有今天的你，冇得討厭， 這就是你！」 ＊人生的過渡，當時百般艱難，一天驀然回首，原來已經飛渡千 山。是怎麼做得到的呢？卻記不起來了。
對不起！同學們．．． 可能今天把你們嚇傻了 星期一！星期一ｅｖｅｒｙｔｈｉｎｇ ａｌｒｉｇｈｔ！
注：＊→ Ｂｙ 張小嫻
|
|
昨晚 三更半夜收到三字經電話......擾人清夢！！ 使我今早起床心情不佳∼ 對他的感覺比昨天日記所形容的更複雜 不過由於不用面對，所以沒有ｈａｒｄ ｆｅｅｌｉｎｇ 只不過有一個很大的疑問： 點解我曾經會情迷過他，更達五年之久？！ 艷婷說他是我時至現今，與我最相襯的男人 有鬼用∼佢係我識咁多個男人中，至不知所謂的一個呢！ 係佢令我的人生變得坎坷、複雜．．． 不是他，我現在可能還是一個天真無邪的可愛女生 『我要多得自己，更加多謝你 你將我磨成利器 戀愛若有幸挨不死，競技場上當嬉戲 今天講來彷彿一世紀 』 他的奇特程度可以從以下說話得知： 「你喊真係一ｄ都唔性感呀！ 我覺得珈儀最性感都係嬲果陣時 鼓起泡鰓，發埋ｄ妹妹仔脾氣，又要人(乙水)．．．」 痴線架∼係人都怕我發脾氣架啦∼！ 明知我一發脾氣就按都按不住∼ 性感？！究竟有冇尺度架？！
心情一直都不佳，所以木無表情 但其實心裡又沒有想任何事．．． 就算有∼都是想如何尋回我的集中力 其他無謂的一概不理
心情好轉，是因英文堂時睡了近４個字 ｌｕｎｃｈ過後就更好 上文學堂就更更好，因為安安用以下一番話來形容自己： 「正義的化身 理性與感性完美的結合 鬼神辟易 禮服幪面俠 師生戀的幻想對象 」 ｏｈ∼ｈｅ ｗａｓ ｓｏ ｐｒｏｕｄ∼！！ 我點解會有個咁嘅文學阿ｓｉｒ架∼？！
今天教跳舞有點神不守舍∼ 晚上與媽咪食元綠∼∼ 噢∼好掛住媽咪哦！已５天沒見她了 好多野同媽咪呻．．． 哈哈．．．其實原來我有這個媽咪真的很幸福！ 『我是糊塗蟲，但身嬌肉貴！』
鳴鳴．．．媽咪忘記幫我錄殭屍 死啦∼明天會唔會完全唔明架？！
ｂｙ ｍｙ ｍｕｍ： 「當他選擇走回頭路那一刻，其實一切已變得不再重要啦！」 媽咪很支持我的決定，更覺得我做得很對 阿包亦然，ｂｅｎｂｅｎ如是，還時常提點我．．． 真的很多謝你們給我的肯定！ 『鳴謝我的好友作出互勉』 Thank you !!
|
|
Ms Lam 今天沒有上學，又生病了∼ ｈｏｐｅ ｓｈｅ ｇｅｔｓ ｗｅｌｌ ｓｏｏｎ．．． 今早想賴皮不上學，但想到要上中史堂 便將念頭打消了！！ 誰不知她沒上學．．．．
我的心有一種感覺，好想將之形容出來 但真的不懂如何說.....好複雜...... 其實不是第一次面對這感覺 但今次我面對的方法與以往不同，境況也不同
我的眼睛，我的耳朵，每天也幹著遺背自己意願的事 多麼想盡心盡情定定的望....... 多麼想從心所欲留心地聽....... 然而大腦卻絕不容許 就像女兒撒嬌嚷著要吃 Ｍｃ Ｄｏｎａｌｄ 媽媽卻不許，還說：「吃Ｍｃ Ｄｏｎａｌｄ會喉嚨痛」 女兒唯有聽媽媽的話，乖乖地回家 以前女兒一定心有不甘，知其不可而為之 會偷偷地吃Ｈａｒｄｅｅ’ｓ或ＫＦＣ補數 但今次女兒沒有，亦無怨恨，心想： 「只要不再看見Ｍｃ Ｄｏｎａｌｄ的鋪頭； 只要不再嗅到Ｍｃ Ｄｏｎａｌｄ的氣味； 只要不再聽到Ｍｃ Ｄｏｎａｌｄ的廣告．．． 我便不會想吃Ｍｃ Ｄｏｎａｌｄ。」 女兒不再愛吃Ｍｃ Ｄｏｎａｌｄ了嗎？ 不知道．．．不想知道．．．害怕知道．．． 只管好好的聽媽媽說話，更想： 「媽媽一定不會害我！」
|
|
Ｄｅｐｒｅｓｓｉｎｇ....... 已經對我想講的人講了什麼事...... 不想再聽到任何慰問...... 一句一句的慰問，只覺得你在嘲笑我 我很清楚誰人真正出自關心 我唔會再喊，喊即係認命！
今天不想寫太多..... 只記下一些得著吧∼
By Ms Lam： *「你有膽就唔好避！」 *「我不信那些歪理，正經事是要經過苦幹，不會那麼戲劇性！」 *「別人如何看自己固然有影響，但自己怎樣看自己卻更重要！」
By Ms Wong： *「你們所受的試探，無非是人受得起 的；上帝是信實的，衪必不容許你們受試探過於你們抵受得住的，而且在受試探的時 候，必定給你們開出一條路，使你們能忍受得住。」
早會Ms Wong 分享的一首詩歌，好ｔｏｕｃｈｉｎｇ 『＊曾經踏遍路途千萬里 途中跌倒過攀不起 無助的心感困累 全然交瘁 無助身軀早己沒有力氣 ＊徬徨中遇見熱誠的膀臂 人潮中碰到你多驚喜 前路即使千尺浪 得你在身旁 縱使呼呼風雨仍覺甚美 ＊能在絕望孤單中偶然遇到你 是我根本不配受的福氣 來日禍困迎面 滿途挑戰 能贈我勇氣完全是你 』
我有膽！ Ｔｈｅ ｇｏｉｎｇ ｇｅｔｓ ｔｏｕｇｈ Ｔｈｅ ｔｏｕｇｈ ｇｅｔｓ ｇｏｉｎｇ
|
|
今天一早同艷婷落銀座睇"桃色" ｗｅｌ∼我真係唔知點形容呢套戲 唔係差，但睇完好唔舒服 我諗我點都好，都唔會去到ＳＭ呢個境界 * Ｄｏ ｕ ｋｎｏｗ ｗｔ ｉｓ ＳＭ？ * Ｐｌｅａｓｕｒｅ ｉｎ Ｐａｉｎ！ 我明咩係 ｐｌｅａｓｕｒｅ ｉｎ ｐａｉｎ 但都只係唔開心時，用ｐａｉｎ 來尋找 ｐｌｅａｓｕｒｅ 好地地做咩要ｈｕｒｔ自己呢？！ Ｓｅｘ 係一樣 ｅｎｊｏｙａｂｌｅ 嘅野 我唔見得俾人打有幾 ｅｎｊｏｙ 套戲仲要講到軟禁、ＳＭ係一種愛人的方法 我真係冇辦法認同 我都係中意晚９朝５多ｄ...... 睇完桃色，個心都唔知想點咁．．．
夜晚去了跳舞∼ｇｒｅａｔ！ 望到ｊａｚｚｙ ｇａｌｓ跳 諗好似好耐冇跳過呢ｄ，就係咁易跟下 誰不知ｊｏｅｙ直頭加埋ｃｅｃｉ、我 ＆ ｙｏｐｉ入去 ４／１２沙田比賽∼ ｗｅｌｌ．．．都好！好耐冇試上台跳呢ｄ ｓｔｙｌｅ 跳下呢ｄ野中和下，真係一件嘗心樂事 只要係ｊｏｅｙ教，都總會學到野∼！！ 跳舞真係好開心∼好ｅｎｊｏｙ！！ 曾經好怕ｃａｔｃｈ ｕｐ唔到佢地 不過同ｌｉｌｉａｎ傾過．．． 對於珈儀，只要拍得住大家就可以 因為跳舞係我最大的＊ｉｎｔｅｒｅｓｔ＊ ｂｕｔ ｎｏｔ ｍｙ ｌｉｆｅ∼ 所以唔好話要入ＡＰＡ去ｃａｔｃｈ ｕｐ大家 只要ｋｅｅｐ到在小水點最大一ｇｒｏｕｐ就可以 今日跳下ｄ比較ｅａｓｙ嘅ｓｔｅｐｓ 再一次覺得ｂａｓｉｃ好係好緊要
而家似乎只有跳舞同溫書，可以令我暫時唔諗ｄ無謂野 不過話唔諗，都有諗過下前日的決定會唔會唔係咁好 攪到好似係自己一手破壞咁 不過結論都係：「唔諗！」 將來有邊個諗得到∼ 決定了就不要後悔，要信自己 學家銘話齋：「ｂｅｌｉｅｖｅ ｙｒｓｅｌｆ．．． ｗｔ ａｌｌ ｕ’ｖｅ ｄｏｎｅ ｉｓ ｄａ ｃｏｏｌｅｓｔ．．．ｄａ ｂｅｓｔ．．．」 唔理喇......唔理喇......唔理喇......唔理喇......唔理喇......唔理喇......
|
|
今天一早９：３０便起床，看昨天未看的彊屍∼∼ 真的一分鐘也不能少，好吊癮！ 好想快ｄ睇下一集．．． 睇完彊屍拾下屋、掠衫、化妝 就落屯門買禮物、蛋糕＆食物
好忙碌.....因為今天艷婷＆傑來我家，補祝艷婷生日 首先我去了市中心買禮物．．． 千挑萬選，買了一條Ｖivienne Westwood 掛頸電話繩 個扣唔係飛碟，而是直條的，更靚更特別 哈哈．．．我好中意．．．！！
買左蛋糕之後，去街市買野食（ＢＢＱ） 噢∼我無辦法理解，點解家下嘅街市小販 態度可以咁好！！ 簡直好過好多ｂｏｕｔｉｑｕｅ嘅ｓａｌｅｓ多多聲 我都忍唔住同個叔叔講左句：「你唔似係街市到做野！」 佢微笑，好ｇｅｎｔｌｅ咁答：「梗係唔係∼！」 佢攪到我不自覺買左＄９０野食．．． 不過唔緊要，佢ｄ野真係好好食 ｗｔ’ｓ ｍｏｒｅ，佢ｄ態度咁好 ｄ錢都俾得開心啦∼！！ 所以話．．．服務態度幾緊要∼！！ ｗｅｌｌ∼我好似一個師奶仔∼ 拎住一袋二袋咁去搭車．．． 實情我真係估唔到，有人動得到我主動做ｄ咁嘅野
２：００返到家．．．ｙｅａｈ∼Ｏｎ ｓｃｈｅｄｕｌｅ！ 包埋份禮物，再準備下ｄ野佢地就來了 我地落去樓下，誰不知個爐俾一班核突師奶用左 詳情唔講喇．．．總之攪到我唔多ｈａｐｐｙ 我至憎ｄ咁嘅人，我唔追究就收聲啦∼ 講多兩佢廢話我唔會話你明白事理架∼！ 平息呢件事後就燒野食．．． 過程好開心、好ｒｅｌａｘ、好好傾．．． 阿傑嘅手勢好好哦∼∼ 我真係從來冇諗過，我可以同朋友的男朋友咁好傾 就好似自己朋友咁∼
燒完返屋企食生日蛋糕∼ｙｕｍｉ！！ 哈哈∼艷婷唔提我生日禮物，我都唔記得 大頭蝦．．．！！ ｙｅａｈ∼佢好中意哦∼！ 梗係啦∼∼咁靚∼好襯佢呢∼！！！
夜晚她在我家睡.......
|
|
今日係我中學生涯的最後一次旅行 去赤柱，本來諗住悶到抽筋 誰不知好開心哦∼∼∼
一早返學時見到好多班都有班衫 噢....好核突....!! 本來只有我地兩班ｓｅｖｅｎ先有嘅野 而家幾乎班班都有∼∼ 我點都覺得冇一班型得過我地班著∼！ 至少我地都係帶頭果個！！ 哎也.....ｄ底ｆｏｒｍ真係......哎也......
搭車出發去赤枉時已經好好笑 佢地幾個玩『唔係呀？！咁鬼易！！』 我地其他幾個就不斷笑＆煽風點火 好開心！！
去到赤柱正灘找了個地方落腳 ｕｍ......佢地玩ｄ野真係唔太啱我玩 打排球、閃避球、呯嘭哇....... 我又討厭沙......唯有一路同其他同學仔吹水 都好開心！！ 不過與此同時，我發覺阿包講得好正確 真係需要一段長的隔離時間 我外表如何冇事都好，事實是我真的未能放低...... 多謝ｔｈｏｍａｓ替我把最後一次的歡笑拍了下來
之後去了赤柱廣場那邊ｌｕｎｃｈ 同ｔｈｏｍａｓ去了ｃｕｒｒｙ ｐｏｔ 好好食哦∼！好食過阿星的極多．．． 去到赤柱要我食Ｍ記？！ｎｏ ｗａｙ！！ 替ｔｈｏｍａｓ分析過形勢 希望一切只是我想多了．．． 不過這亦是一個可能性．．． 結論：睇定ｄ！ ｙｅａｈ∼我係一個無敵軍師！
食完同埋ｂｅｎｂｅｎ去大街行下 我想搵ｗｏｎｇｗｏｎｇ所講的貓貓畫俾Ms Lam 最後都係空手而回∼∼ 當然，我真係好ｅｎｊｏｙ同ｂｅｎｂｅｎ閒聊
行過大街後，走左去美行樓同女同學們影相 之後又走返去廣場影班相．．． 柴娃娃．．．好開心．．．！！
３點散水，不過．．． 我、Susan、benben、bee、紫、Miu、Cathy、PinkLin、kiki、Carmen、紫芳、李智 事後去ＣＷＢ影貼紙相 我咁大個女都未試過１２個人去迫機 好開心....!!!! 遲ｄ儲齊ｄ相，先一次過ｕｐｌｏａｄ上網∼∼
我真係估唔到最後一年的旅行係可以咁開心！
同同學仔的快樂時光完結，由阿包繼續．．． 今日我地傾計嘅內容好唔同 我同佢嘅關係，相信會比別人與其朋友的複雜 因為我們之間還有我倆的媽媽 唉．．．我都唔知點講．．． 佢地上一輩嘅瓜葛我真係唔想理 更唔想佢地將瓜葛牽涉落我同阿包之間 今日對阿包，我都呻左好多野．．．
ｗｅｌｌ．．．我已經不用儲＄買ｂｏｏｔ了 我用左一個相當理想嘅價錢 買左一對非常理想嘅ｂｏｏｔ．．． 真係好靚．．．勁抵．．． 唔理咁多了．．．！！
一個比喻： 本來係一片青草地 而加上面多左舊屎 只在上面蓋多層泥就以為可以一切回復原狀? 舊屎一日仲在，問題一日都未解決 一係等舊屎慢慢腐化，一係就要清除佢
Ａｓ ａ ｒｅｓｕｌｔ： 經過那『最後一次的歡笑』那一幕 我相信『毫無芥蒂的奇蹟』這一輩子也不會出現 感覺與當初和黑晒晒及咪高峰有何不同 相信只有我自己最清楚 對不起∼！我真的絕望了∼ 我說到底還是一個女孩子 不是一般女孩子做的事，我已經做盡 是我太蠢吧！還傻痴痴的奢望有『奇蹟』出現
不再望......好朋友.....死灰.......
|
|
今日測埋ｐｒａｔｉｃａｌ ｓｋｉｌｌ就完ＵＴ喇 當然冇人做得晒啦∼唉！ 個個都好擔心考公開試時點算．．．
寫俾校長的週記派回了~ 一貫官腔式回答，佢都係聰明人丫 我就唔信佢唔知我通篇運用反語 咁又係嘅∼知都扮唔知啦∼！！ Ｅｃｏｎ班的同學仔重重評擊雞昌 校長回應佢地時好似淨係叫佢地睇開ｄ 攪到ｄ同學唔係好滿意．．． 其實大家唔好淨係睇到校長ｄ字啦∼ 唔通佢同大家一齊數臭雞昌咩？！ 唔通大家真係要佢因為大家幾篇文而立即炒雞昌？！ 我知大家梗係想啦∼但諗真ｄ都唔ｍａｋｅ ｓｅｎｃｅ啦！！ 大家將眼光放遠ｄ 身為校長，殺人都要用ｄ高招ｄ嘅手段啦！ 唔通拎住大家幾篇野同佢講：「學校唔要ｄ咁嘅垃圾！」咩？！ 如果最後佢真係當視而不見 大家咪由得ＫＣ死囉∼！ 大個喇∼唔係下下以氣用事架∼ 用都睇清楚係邊個先啦！
離開學校過左智樂，本想修短兩條裙 誰不知婆婆冇開門，另外果間黑店要收＄４０ 仲要聽日先有得拎，即走啦∼
有一對ｂｏｏｔ我想擁有好耐．．． 但呢對ｂｏｏｔ嘅ｄｅｓｉｇｎ只在我腦中 哈哈．．．皇天不負有心人 俾我在某鋪頭嘅玻璃上發覺一頁雜誌 上面正正就有一對同我腦中一模一樣嘅ｂｏｏｔ 我諗都唔諗，即刻影底佢啦 哈哈．．．快ｄ拎去造先得！！ 貴ｄ都咁話∼∼儲＄.....儲＄.......
講起鞋，我對返學校已著到蝕晒 知慳識檢嘅我梗係去搵補鞋佬啦∼ 不過佢就好似ｄ隱仕咁 跑馬、落雨、冇心情都唔開檔 檔口凌亂骯髒卻五臟俱全 一雙巧手就已足夠挽留住我呢ｄ ｆａｎｓ 今日真好彩，我去到佢剛剛開檔 等左你好耐喇∼！！
當剩下自己一人時，有開心事想同人分享 你會否立刻想到一個人，並致電給他呢？ 我唔會！真係唔知打得俾邊個好！ 我會見到面先講．．． 如果在你心中，有著一個"有開心事*立即*想與他分享"的好朋友 你真的很幸福！ 因為你真的有著一個「生命中不可劃缺」的好朋友 而更幸福的是，他真的只是你好朋友！ 但我更相信，能被別人認作為「生命中不可劃缺」的好朋友 更加幸福！！ 我很想沉醉在這幸福的夢，一個我自己造的夢 如果真的有『毫無芥蒂的奇蹟』出現 可否告訴我就是那個「生命中不可劃缺」的好朋友？ 能發夢也是件幸福的事..... 但我一貫作風是向現實邁進.....
|
12th,November,04
+Fri