蒙嘉慧被志偉取笑戀上陳冠希玩「啜波波」唔識把握未能親咀 |
| 蒙嘉慧（Yoyo）與陳冠希（Edison）大搞忘年戀？昨晚《宇宙無敵獎門人》節目中，三位主持人不時取笑Yoyo對Edison有意思，且說她甫見Edison便變得很怕醜，故特別安排兩人玩「啜乒乓波」環節，讓Yoyo「有機可乘」咀咀Edison！ 不過兩人在玩遊戲時卻表現得很禮讓，每次都是輪流啜波，所以親吻場面完全欠奉。而奸計未能得逞的錢嘉樂，竟取笑Yoyo：「美食當前你都唔去食，因住老來後悔！」 |
| 同Edison唔介意被玩 事後Yoyo不怒反笑說：「其實之前志偉已提議玩我們（Yoyo及Edison），我同Edison唔熟，俾人笑笑都冇所謂！原本我們是玩扮野環節，點知臨時改了玩『啜乒乓波』都唔知！（點解你倒表現得咁尷尬？）大家唔熟，如果換了是林保怡就冇所謂！Edison有咁多fans，鍚了的話，俾人誤會就唔好！」 而Yoyo說與林保怡親熱冇所謂實非虛言，因為錄影前Yoyo甫見林保怡即來個Hello kiss。林保怡說：「哈！係Yoyo媽咪叫Yoyo鍚我……佢媽咪即係佢經理人！」 |
| 有備而戰上《獎門人》 另外，Yoyo與Edison玩食辣壽司環節成大贏家，一件辣壽司也不用吃。原來兩人各有準備，Yoyo說：「我玩這個節目時真係打醒十二分精神，之前屋企人叫我唔好玩，因為我腸胃唔好，所以我應承他們一定唔會輸！」 而Edison更具專業精神，他說：「我知道要上這個節目，在廣州拍『華埠小姐』時，晚晚都在酒店練習。」對於林曉峰在介紹他出場時，扮其招牌伸(月利)及歪嘴動作，Edison稱：「都好似，但是還欠少許！（是否樣貌同高度？）我冇講過呀！」 |