陳冠希揚言絕不離開陳自強 |
| 樂壇「新人王」陳冠希向來都是搶手貨，甫出道即成為環球和英皇兩間唱片公司力爭的對象。雖然其歌星合約最後落在英皇手中，不過今日有報道指英皇欲完全「擁有」他，不惜以過千萬向陳自強要求將Edison（陳之洋名）的經理人合約轉手，還一口氣簽下5年「賣身契」，不過此傳聞被Edison和陳自強連聲否認。 今日Edison出席一記者會時，接受Sony送贈的AIBO第二代人工智能機械狗，令原本鍾愛狗隻的他十分高興，孩子氣地即場為新寵命名為「阿福」。當記者問及有關經理人合約一事，他即顯得很愕然說：「我絕對冇聽過呢件事，係陳自強帶我出身，所以一定唔會離開佢，而且我都好滿意佢，出道半年來為我做了好多事，又好照顧我，一定唔會發生呢件事。」 記者提到今次是由於成龍介入，陳自強才肯以這個價錢割愛，Edison謙稱：「我自問係個新人，未值呢個價錢，只知現時要努力拍戲和唱歌。」對於有傳英皇此舉是因為不想霆鋒專美，Edison謂跟霆鋒兩人份屬好友，亦不會想這些，雖然英皇係一間好公司，不過他本人沒有想過要離開陳自強。 而陳自強亦就此事回應：「呢個消息好突然，以1,000萬簽Edison實在太睇少佢，英皇簽好多歌手都唔止呢個數，何況係Edison，如果英皇用1,000萬綁住一個藝人實在太低。不過根本冇同對方傾過呢個問題，而且我同Edison一直合作好愉快，佢亦唔會咁輕易過檔。」 |
| 馮德倫冇對自己不滿 此外，有傳馮德倫對於和Edison合演的電影《特警新人類II》，因不滿宣傳及海報都只集中在Edison一人身上，故拒絕到台灣為電影宣傳，Edison表示沒有聽過有關傳聞，亦不想發表意見，若大家需要了解，可自行向寰亞電影公司求證，而他謂曾在多個活動中碰到對方，亦沒有發現Stephen（馮之洋名）對自己有何不滿。 |