News
英皇老閭楊受成最近惹上不利傳聞，身為「英皇新寵」的陳冠希卻不知情，還力撐老闆道：「佢一定冇做過！」
當記者問到Edison（陳之洋名）有否看過劉鑾雄的報道，豈料自少於外國長大的他，竟矇查查反問記者劉鑾雄是誰，並笑說張學友、郭富城就認識，但卻不識劉鑾雄。當記者告之詳情後，他謂：「第一我唔識佢，第二生意上的事我不識，只懂唱歌和拍戲。（咁你信唔信楊生係「老千商人」？）老千商人？係咪《千王之王》那種呀？你問我楊生有冇做過就一定冇，佢對我好好，又好照顧自己人，我覺得佢如果係父親，一定對仔女好好，而且我對生意真係唔知，亦唔會同佢傾生意的事。（信唔信楊生同ＳＭ母女的事？）關我乜事！迫我做至問我喇！但我覺得唔會，Joey（容祖兒）份人好sweet、好nice，而且楊生唔係這種人，我識佢一年都未見過佢這一面。（會否因而影響公司形象？）公司又唔係得楊生一人，仲有好多藝人，公司成員可能受到影響，但楊受成一定冇！」
此外，英皇特別開記招慶祝Edison於11月底推出的新唱片銷跟直逼白金。Edison表示十分高興有此佳績，並謂下張唱片希望能邀請陶（吉吉）和彭海桐為他作曲。問到有否買禮物獎勵自己？他高興地說在推出唱片當日，已買了兩隻名牌戒指，今日還戴上六千元的那隻在右手尾指上，而另一隻過萬元則沒戴，因為右手中指位置戴了父親所送的禮物。至於孝順的Edison當然有買聖誕禮物回贈父母，還有為楊生、李進、成龍大哥和哥哥張國榮準備禮物，不過由於未送給對方，所以不肯透露是甚麼。