Tribunalo
absolvas Safija HUSAINI-n, ŝi ne mortos ŝtonumita
25-an
de marto 2002
La islama Tribunalo de Sokoto (en la nordo de Niĝerio) decidis hodiaŭ nuligi la kondamnon al Safiya Husaini, kiu estis antaŭe kondamnita morti ŝtonumita pro la fakto ke ŝi havis seksajn rilatojn kun viro post sia eksedziniĝo. Tio laŭ la islama juro ekvivalentas al adultado.
Safiya Husaini fariĝis ekzemplo de la defendo de la
universalaj homaj rajtoj kaj pli konkrete de la defendo de la egaleco inter
viroj kaj virinoj en la tuta mondo kaj ĉefe en tiuj islamaj landoj.
Juraj informantoj certigis antaŭ
kelkaj tagoj, ke la islama tribunalo de la ŝtato Sokoto en Niĝerio nuligus la
verdikton de la tribunalo kiu prakondamnis ŝin, ĉefe pro la protestoj okazitaj
en la tuta mondo favore al ĉi tiu virino.
La esperoj nuligi la juĝon pligrandiĝis kiam la Ministro pri Justico de
Niĝerio deklaris, ke la Ŝaria, aŭ islama juro, kiu ankoraŭ regas sur
12 el la 18 ŝtatoj de la nordo de Niĝerio, estas kontraŭleĝa kaj oni ne
devus apliki por juĝi. La Ministro, S-ro Kanu Agabi, kvankam ne
menciante la kazon Safija, diris, ke la Ŝaria perfortas la konstituciajn
kompromisojn respekti la homajn rajtojn kaj ne diskriminacii la akuzitojn pro
ilia religio aŭ sekso.
La kazo de ĉi tiu virino atingis internacian agnoskon post la juĝo de islama tribunalo kiu kondamnis ŝin en oktobro de la jaro 2001 esti enterigita ĝis la akseloj kaj morti post amasa ŝton-ĵetado. La tribunalo konsideris, ke ŝi estis kulpa pro adultado, t.e. por havi seksajn rilatojn kun edziĝita viro.
Pro ĉi tio Safija ŝanĝis sian deklaron la pasintan monaton januaro kaj ŝi sciigis, ke la patro de ŝia filino Adama, estas reale ŝia lasta edzo, Yusuf Ibrahim, kun kiu ŝi subtenis seskajn rilatojn volonte. Ambaŭ eksgeedziĝis antaŭ du jaroj kaj la Ŝaria permesas seksajn rilatojn inter la eksgeedzoj ĝis post 7 jaroj de la eksiĝo.
Al la senduba ne-justeco de la unua juĝo respondis la internacia komunumo kaj ĉefe la internacia nobel-premiita asocio Amnestio Internacia kiu kolektis centmilojn da subskribojn prezentitaj ĉe la niĝeriaj aŭtoritatoj kaj ambasadejoj tra la tuta mondo por atingi la senkulpigan deklaron de Safija.