-請買飛入座吧-
| 08-17-2001 | |
 |
繼第一集之後，呢套American Pie 2由原班人馬繼續攪笑。
攪笑野包括以尿洗頭，一男搾一男屎忽，兩男互嘴，用大力膠黐住自己重要部位
等等。好鬼好笑。冇悶場。正。笑死。正正正。但係多數係咸濕野。小朋友
唔好睇呀！！哈哈哈！ |
| 08-07-2001 | |
 |
Rush Hour 2真係好睇丫！好好笑呀！成龍同Chris Tucker好好笑。
今集又香港又洛杉機，好多大場面，有幾場爆炸，正！Chris Tucker講廣東話真係差D。
但係另外一個就講得超正。講到第二種語言，阿章子怡就差D啦。成套戲講左兩句，
一句係"some apple"，一句係"out"，真係笑死人。大家係睇完戲之後記住睇埋
NG先好走呀。好正架，D人笑得最大聲就係播NG既時侯。評價係"一定要睇"。 |
| 08-02-2001 | |
 |
呢套史堤芬史匹堡既人工智能賣點應該係史匹堡。因為最主要係唔係
大製作都冇人去睇啦。太科幻啦，又長，又悶，最主要係我係睇夜晚十點幾個場，
睇都瞌晒眼訓甘。我仍然覺得係條靚仔跳海個時做完係最好，最殺食。但係話明係科
幻片，點都要整D科幻野，自己睇下就明架啦！評價？有史匹堡既號召力，自己諗啦！ |
 |
雖然唔係史匹堡執導，但係主要有前兩集幫呢集鋪左路，
今集冇史匹堡，但有速龍，暴龍，長咀龍同翼龍，條條都生生猛猛，嚇死你。
有槍個D人全部都死晒，但係條靚仔就唔死得。所以侏羅紀公園教你見到恐龍
係唔洗開槍既，最聰明既方法係搵堆恐龍屎跳入去，甘就冇事啦！好睇，最
好睇係個BB跟住Barney跳舞個幕，正！ |
 |
嘩！呢套都唔知點講啦~好笑，乜都有。抄晒D恐怖片，仲有
動作片，好似Charlie's Angels。佢地又抄NIKE廣告，真係要睇下先識笑。
不過，有好多幕都係同"性"有關，小朋友唔好睇丫~係大人但係有小朋友既智
商都唔應該睇，知冇？！ |
| 06-21-2001 | |
 |
我個日租帶睇呢套劫後重生。呢套完全係賣湯漢斯（Tom Hanks）既
個人演技。成套戲最好彩既我覺得係男主角係一個速遞員，全因D包裹佢先唔洗死。最
重要係佢因為亞Wilson佢先唔會寂寞死。雖然最後Wilson比大海沖走左，但係成套戲
我覺得最殺食就係呢個Wilson排球。我覺得套戲整體上都幾好睇。 |
 |
比起Cast Away，呢套Vertical Limit就刺激好多啦！呢套戲主要係
講Chris O'Donnel係一次爬山既時侯為保細妹性命而犧牲左自己老豆。之後佢放棄
左爬山，但係為救佢個身處喜馬拉亞山被雪埋住既細妹，佢再次爬山，今次仲要
同時間鬥快，睇下係佢快D定係死神快D接觸到佢個妹。整體黎講幾好，因為刺激度夠，
我幾鐘意。 |
| 06-03-2001 | |
 |
前日係戲院睇呢套The Animal，笑死人啦！笑死啦！！Rob Schneider 做男主角好搞笑呀！
佢扮動物真係有一手~~佢又扮狗撲飛牒，又扮海豚游水，又扮馬，又扮猩猩~~總之就非常搞笑！
我覺得雖然呢套片係我睇既美國片中最短既一套，只得個半鐘。但係已經足以笑死你~~我
係唔會講到比你聽有幾好笑，最好有機會就睇啦！ |
 |
上個禮拜睇左呢套見家長~~幾好睇呀~幾搞笑呀~我覺得最好笑係因為沖廁所搞到
前花園浸屎個幕~~而令我最深刻既一定係男主角係戲入面既名，GAYLORD FOCKER~~
而飾演佢女友老豆既羅拔迪尼路係戲入面係甘FOCKER前FOCKER後，非常搞鬼~~佢仲話佢個女嫁
左比亞FOCKER會好唔掂，皆因亞FOCKER女友個middle name係Martha~~Martha Focker~~笑死~~ |
 |
我前排睇左盜墓迷城2，今集講個隻野又返生，又多左羯子王，我覺得好睇呀~~
今集講左究竟女主角既前世係邊個~~第一集冇講架~~不過可惜係摔角好手THE ROCK飾演既羯子王
出得太少，同埋最後搏鬥既時侯竟然用Computer Graphic，而唔用THE ROCK真人這裡比較遜色~
不過我仍然覺得好睇~~ |
