Ča je život vengo fantažija

(Z. Runjić – M. Popadić – S. Kalogjera)

 

 

To je bilo ka' u priči

Roko nije jema ništa

Cicibela još i manje

ali ljubav sve izliči

on je bija anarkišta

jemali su i kumpanje

 

To je bilo ka' u priči

punoj lustri i friškina

ma je isto priča prava

čulo se i grubi riči

bundilo se puno vina

bolila je di kog glava

 

Trči vrime, cvili maška

traje jubav pusta, siromaška

šaka suza, vrića smija

ča je život vengo fantažija

 

To je bilo ka' u priči

živili su ka' golubi

i nosili svoje brime

s puno srca, s malo riči

goli, bosi, gladni, grubi

volili se cilo vrime

 

To je bilo ka' u priči

kad su bili puno jidni

bombe, rašpre, livorvere

i još druge strašne riči

vikali su oni bidni

ma su prošle te nevere

 

To je bilo ka' u priči

malo sriće, puno jada

puno zime i propuva

ali jubav sve izliči

boje vengo sto balada

boje vengo štruca kruva

 

To je bilo ka' u priči

ma ih više ovud nima

na dnuj mora su gajete

sve beštimje grube riči

sve je prošlo poput dima

vrime metlom sve pomete