Ćer o stareg kalafata

(Z. Runjić)

 

Pape jon je gradi brode

 bi je meštar od zanata

na sve bande kad se ode

nigdir takvog kalafata.

Bi je meštar zlatne ruke

ma najlipje ća je jema

nisu brodi nasrid luke

vengo ćer krasota jedna.

 

Njene oči pune vire

caklile se ka od zlata

jubila me priko mire

ćer o stareg kalafata.

Ču san srce di jon kuca

poput fineg, skupeg sata

jubila me blizu guca

ćer o stareg kalafata,

jubila me blizu guca

ćer o stareg kalafata.

 

Za vjenčanje njen je pape

najbolji nam brod porinu

letile su u vis kape

ma nesrića sve prikinu.

Puknila je cima broda

ošinula je nevistu

ka kad satu pukne korda

osta ležat tu na mistu.

 

Njene oči pune vire

izlile su sjaj svog zlata

jubila me priko mire

ćer o stareg kalafata.

Srce više jon ne kuca

moje tuče poput mlata

kad se sitim blizu guca

ćeri stareg kalafata,

kad se sitim blizu guca

ćeri stareg kalafata.