volver

 

CAPITULO I

Artigo 1º

1) Constitúese con sede en Ponteceso e coa denominación de Asociación Gastronómica Cultural "Os Zampláns" esta asociación, que terá, con arranxo ás leis, capacidade xurídica propia.

2) O réxime da Asociación determinarase polos presentes Estatutos e os acordos validamente adoptados pola súa Asamblea Xeral e órganos directivos, dentro da esfera da súa respectiva competencia. No non previsto estarase ó establecido na Lei de 24 de decembro de 1964 e Decreto de 20 de Maio de 1965.

Artigo 2º

Son fins da asociación:

  1. Organizar actividades gastronómicas diversas, tales como una matanza didáctica, o Dia de fín de ano, o Día do Entroido, o venres antes das Festas da Barquiña, un día de Caza e de cazola, o Día dos pratos fritos, o Día das bodas de cada quen e algún que outro día, ...; participación en concursos gastronómicos; a entrega do premio "O zamplán de ouro" a persoas que destacasen pola súa colaboración á asociación nos seus manxares;  elaborar rutas e guías gastronómicas e, en xeral, cantas actividades relacionadas coa gastronomía se poidan desenrolar.

Artigo 3º

Esta asociación terá o seu domicilio social en Rúa Vereda (na de Maravillas) concello de Ponteceso –A Coruña-  e con código postal 15110.

Artigo 4º

O ámbito territorial de acción prevista para a Asociación exténdese á Comunidad Autónoma de Galicia, aínda que poidamos facer os nosos piniños por toda España.

Artigo 5º

Para o cumprimento dos fíns do artigo anterior, a Asociación organizará as siguientes actividades:

  1. Cursiño práctico de carácter gastronómico para os seus socios.
  2. Campañas de divulgación de socios para a súa captación, e sempre preguntando antes se come moito
  3. Conferencias para a divulgación da riqueza culinaria galega, sobre todo da costa da morte
  4. Instalación de soportes informativos a disposición dos socios
  5. Publicación nos medios especializados de difusión de artículos relacionados cos fíns da Asociación
  6. E todas aquelas actividades que tendan ós fíns referidos.

Artigo 6º

A asociación terá personalidade como tal dende o momento da súa inscrición como Asociación no rexistro correspondente e non terá afán de lucro.

Artigo 7º

Os socios poderán ser: Fundadores, Honorarios e numerarios.

Os socios Fundadores, aqueles que suscribiron a Acta Fundacional.

Son socios Honorarios, todas aquelas persoas que a xuicio da Asamblea Xeral , co-axuden de forma notable ó desenrolo dos fíns da Asociación.

Considéranse socios Numerarios ós ingresados.

Artigo 8º

Os socios Fundadores e Numerarios, teñen os dereitos seguintes:;

  1. Tomar parte nas Asambleas Xerais con voz e voto.
  2. Poder ser elexidos para cargos directivos
  3. Disfrutar de todos os beneficios da Asociación, según as normas e disposicións regulamentarias. 
  4. Ostentar as insignias ou emblemas da Asociación tanto persoalmente como nos seus vehículos.
  5. Levar á Xunta Directiva cantos proxectos ou consultas foran precisas para o mellor funcionamiento da Asociación.
  6. Os Socios Fundadores, inicialmente, terán un posto na Xunta Directiva, sendo nomeados Socios Honorarios no caso de cesar en dita Xunta, puidendo perder tal categoría por voluntade propia.

Artigo 9º

Son deberes dos socios:

  1. Comunicar os resultados das súas experiencias á Xunta Directiva, quen se encargará a súa vez de transmitirllo ós seus socios.
  2. Acatar os acordos da Asamblea Xeral e cantas normas establezca a Xunta Directiva para o mellor funcionamiento dos fíns da Asociación.
  3. Aceptar e desempeñar ben e fielmente os cargos directivos que puideran asignárselles pola Asamblea Xeral e a Xunta Directiva.
  4. Acatar os presentes Estatutos e o Regulamento de réximen interno que fora promulgado.
  5. Observar unha boa conducta cívica.
  6. Contribuir ós gastos da Asociación coa cota mínima que se fixe.

Artigo 10º

Para adquirir a condición de socio, ademáis de tramitar a correspondente solicitude, deberá reunir os siguientes requisitos:

  1. Ser persoa física, maior de idade, con plena capacidade xurídica
  2. Ser avalado polos Socios e un membro da Xunta directiva.
  3. Aceptación expresa dos compromisos que vai adquirir previa información dos socios avalantes da solicitude.

Artigo 11º

A condición de socio perderase por:

  1. Observar mala conducta ou perxudicar gravemente os intereses da Asociación
  2. Vontade propia
  3. Por falta de pago da cota durante tres mensualidades.

Artigo 12º

Os Socios Honorarios non intervirán na dirección da Asociación, nin poderán investigar o empleo dos seus fondos, pero sí están facultados para asistir ás Xuntas Xerais, con voz pero sen voto.

Asímesmo poderán facer cantas suxerencias estimen oportunas á Xunta Directiva ou elevar incluso escritos ás Asambleas Xerais.

CAPÍTULO II

Artigo 13º

Son órganos da Asociación:

  1. A Asamblea Xeral de Socios
  2. A Xunta Directiva

Artigo 14º

A Asamblea Xeral de Socios, é o órgano supremo e de expresión da vontade da Asociación e estará formada por todos os membros da mesma.

Artigo 15º

a) Son funcións da Asamblea Xeral Ordinaria:
  1. Examinar e aprobar a memoria anual da Xunta Directiva, que comprenderá unha exposición de todas as xestións levadas a cabo cerca dos diversos órganos e autoridades, do resultado das mesmas, así como tamén as actividades realizadas pola Asociación.
  2. Aprobar o presuposto anual de gastos e ingresos do siguiente ano, e das cotas ordinarias e extraordinarias que propoña a Xunta Directiva, así como o estado de contas do ano anterior.
  3. Adoptar aquelas resolucións que pola súa importancia as someta a Xunta Directiva.

 

b) Son funcións da Asamblea Xeral Extraordinaria:
  1. Elexir os membros da Xunta Directiva cando se trate de vacantes producidas antes de finalizar o periodo de mandato da Xunta Directiva. Os elexidos serano só ata completar o prazo que falta para o próximo nomeamento.
  2. A modificación de Estatutos e os acordos a que se refiere o artigo 10.3 , do Decreto de 20 de Maio de 1965, que serán adoptados co quorum previsto no propio Decreto.
  3. Aprobar os regulamentos de réximen interior, en orde ó mejor desenvolvemento do previsto nos presentes Estatutos, sin que poidan contravir o disposto nos mesmos.

Artigo 16º

As Asambleas tanto Ordinarias como Extraordinarias, integraranse polos socios asistentes, sempre que concurran a mitade máis un do total, na primeira convocatoria, ou, transcurridas 24 horas en segunda convoctoria, con calquer número de asistentes.

Artigo 17º

A asamblea Xeral Ordinaria , reunirase necesariamente dentro do mes de Decembro de cada ano e será convocada con quince días de anticipación mediante anuncio, colocado no domicilio social, que expoñerá ademáis a orde do día, ou a través dunha carta dirixida a cada un dos socios.

Artigo 18º

A asamblea Xeral Extraordinaria, reunirase necesariamente en convocatoria especial, a petición da Xunta Directiva ou de 2/3 dos socios.

Artigo 19º

O Presidente ou Secretario das Asambleas Xerais serán os da Xunta Directiva.

Artigo 20º

Os acordos adoptados conforme ós preceptos anteriores, obligarán ós socios, incluso ós non asistentes, levándose un libro de Actas, que firmará o Presidente, o Secretario e un representante dos socios asistentes á Asamblea.

Artigo 21º

A Xunta Directiva, estará integrada por un Presidente, un Vicepresidente, un Tesoureiro, un Secretario e ata un total de 4 vocais.

Artigo 22º

Os cargos da Xunta Directiva terán unha duración dun ano, puidendo ser reelexidos os seus membros ó finalizar o seu mandato, aparte do que se dispón no apartado F do artigo 8 dos presentes Estatutos.

Artigo 23º

As vacantes que puideran producirse na Xunta, cubriranse provisionalmente por designación da Xunta Directiva ata a celebración da próxima Asamblea Xeral, que elixirá ós novos membros ou confirmará ós designados provisionalmente.

Artigo 24º

A Xunta Directiva reunirase unha vez ó mes, ou máis cando así o solicite o Presidente ou cualquera dos vocais da mesma.

Artigo 25º

Os acordos tomaranse por maioría simple, e para ser válidos requerirán a presencia da metade máis un dos compoñentes. En caso de empate o presidente será quen decida.

Artigo 26º

Son facultades do Presidente:

  1. Acordar coa Xunta directiva, a admisión de novos socios e propoñer á Asamblea Xeral a expulsión de aqueles que puideran dar lugar á misma, siempre mediante expediente, con audiencia do interesado.
  2. Ostentar a representación legal e xestión da Asociación.
  3. Presidir e convocar as reunións da Asamblea Xeral.
  4. Velar polos fins da Asociación e polo seu cumprimento.

Artigo 27º

Son facultades do Vicepresidente Primero:

  1. Substituir ó Presidente en caso de ausencia, enfermidade ou cese.
  2. As que delegue o Presidente ou lle atribuia a Asamblea xeral

Artigo 28º

Son facultades do Secretario

  1. Custodiar e levar os libros (excepto os de contabilidade), documentos e selos da Asociación.
  2. Levar rexistro e fichero dos socios
  3. Extender as Actas das reuniones e expedir certificados das mesmas co Visto Bo do Presidente.

Artigo 29º 

Corresponde ó Tesoureiro:

  1. Custodiar os fondos da Asociación e levar en orde os libros de contabilidade
  2. Preparar os balances e presupostos da Asociación para  a súa probación pola Asamblea Xeral.
  3. Autorizar a disposición de fondos
  4. Cobrar as cotas dos socios

CAPITULO III

Artigo 30º

A asociación que ó iniciar as súas actividades carece de bens, formará un patrimonio cos recursos que máis adiante se indican.

Artigo 31º

Serán recursos da Asociación:

  1. As cuotas (ordinarias e extraordinarias) dos socios.
  2. Os donativos ou aportaciones que reciba
  3. As herencias, legados e doacións que se fagan no seu favor
  4. As subvencións, axudas ou auxilios que reciba da Administración Central, Autonómica ou Local, así como as que lle concedan outras institucións de carácter privado (fundacións, outras asociacións...)-

Artigo 32º

As cotas obligatorias estableceranse pola Asamblea Xeral, a proposta da xunta Directiva, non sendo reintegrables en caso algún e dedicándose a atender as necesidades da Asociación. Sendo dita cota de 2 euros semanais, con unha cota de entrada de menos de 30 euros para a primeira cea.

Artigo 33º

Para a admisión de novos socios, no futuro, poderá ser fixada pola Asamblea Xeral, como aportación inicial, non reintegrable, una cantidade discrecional.

Artigo 34º

Anualmente e con referencia ó 31 de decembro de cada ano, practicarase o inventario e balance da situación que se formalizará nunha memoria e será exposta a disposición dos socios, durante un prazo non inferior a quince días ó sinalado para a celebración da Asamblea Xeral Extraordinaria, que deberá aprobalo ou censuralo.

Artigo 35º

O presuposto inicial para o desarrolo das actividades desta Asociación , non excederá dos 500.000.000 de euros (por si acaso toca)

CAPITULO IV

Artigo 36º

A Asociación pode disolverse:

  1. Por vontade da Asamblea Xeral Extraordinaria de asociados que a acorde coapoio da maioría simple dos socios.
  2. Perder a razón da súa existencia ou imposibilidade de cumprimiento dos seus fins esenciais.

Artigo 37º

Acordada a disolución, a Asamblea Extraordinaria designará dous socios liquidadores, que xunto co Presidente e o Tesoureiro da Asociación procederán a efectuar a liquidación , pagando as deudas, cobrando os créditos e fixando o haber liquido resultante si o houbese.

Artigo 38º

O haber resultante, unha vez efectuada a liquidación, donarase ó “Ponteceso deja Huella”  para que invite a unhas copiñas.

 volver