صرخة وله شقت
جدار الصمت وانهار الخجـل
واستشعرت
إن الحكي أفضل وسيلة لو جـدال
وإن
الكلام أحسن ولو فضة ولو مهما حصــــل
وإن
المواجــــه فايدة من دفن راسٍ في الرمــال
قالت
ويديها ترتجف وودها يطــــــــــول الأجل
والوقت
يوقف والعيون تصد ويـــــزين المقـــال
تلعثمت
وارتبكت الكلمة وقالـــــــــتها بوجل
قالت أحبك يا منى عمـــري ويا كـل المنال
خافت
من ردوده وحـــــــارت ما تبي الرد بعجل
تخاف
يكسفها ويهدم قصر مبـــــني في الخيال
ذابــــت
معالم وجهـــه الغامض كأن مابه عضل
ثم
ابتسم بســـــــمة مكذب قال ذا شيٍ محال
لو
ما حكيتي كان عمــــري للنهاية قـــــد وصل
ياما حلمت بكلمتـــك هذي وسط سود الليال
يعني
انت صدق تحبني ؟؟ مثلي... وجاوبها : أجل
واموت
وأحيا لاجل قلبك يا عديمة في الجمـــال
طارت
فرح واستبشرت قالت ترى كل شي اكتمل
بكـــــــون
لك يا غايتي وحدك ويا محلا الوصال
وحط
ايده بيدها وسرى شوقٍ من الخافـــــق رحل
ومشوا
بدربٍ آخره يوصل إلى السحر الــــحلال
