شعـــري
شق ارض الخيال السمح أو انزل من سما افكاري
ترى طالت بك الغيبة على محبوبك العذري
تعال أهلا هلا بك يامخليــني على نـــــــــــاري
تفضل مابقى كثر اللي مضى وراح من عمري
في صيفي انت لي البسمةوفي عز البــار د وجاري
وفي شمسي كنت لي الغيمة وفي ليلي كوكبي الدري
أحاسيسي ركدت عقبك ياملهــــمني وقيثاري
وقلبي حنّ لحضورك وخلّى دمعتي تجري
توانى وتثقل ودربك غدا بعيدٍ عن اشواري
واحسب اني على دربك واحسب انك على خبري
تجي يمّي بلا ميعاد تجيني لو على الطاري
وأما اليوم ماطري لك مع انك دايم بفكري
وانا احسبك بيدي خاتم واحسبك في يدي سواري
وأثرك حيل متمرد ومتقلب مثل دهري
إذا تشرفت وتكرمت أبفرش لك حلو ازهاري
وبفرح بك مثل أمٍ لفاهــا ابنها البكري
أبرضى لو يسمونك جنوني ومرضـــي وعاري
وانا قانع إذا قالوا حبيبي وعاري هو شعري
وسلامـــتك