Vestmannaeyjum 21. mars 2002

Ágætu jafnaldrar!

Fyrst er hér áríðandi tilkynning!

Heimasíða 48 módelsins er á slóðinni: http://oocities.com/eyjar48/

Í gær hélt undirbúningsnefnd ´48 módelsins fund þar sem teknar voru nokkrar frekari ákvarðanir vegna árgangsmótsins í Vestmannaeyjum nú í vor, nánar tiltekið dagana 7. og 8. júní.

Eins og þegar var búið að ákveða verður föstudaginn 7. eins konar óformlegur móttökudagur þeirra sem koma ofan af landi en laugardaginn 8. verður síðan aðaldagskráin sem standa mun allan daginn og fram á nótt. Þegar hefur Akogeshúsið verið tekið frá fyrir okkur.

Dagskrá mótsins er sem næst fullgerð og við sem hér heima sitjum erum þess fullviss að hún muni sannarlega slá í gegn enda er hún frómt frá sagt ekki af lakara taginu. Að svo stöddu er reyndar ekki hægt að birta hana í þessu bréfi en um leið og hún verður endanlega tilbúin fáið þið hana að sjálfsögðu senda.

Sem fyrr er það von okkar að sem allra flestir komi til Eyja og að við getum þannig enn og aftur sannað okkar góðu samheldni. Þeir sem ekki hafa tekið dagana 7. og 8. júní frá eru því mjög eindregið hvattir til að gera það án nokkurs hiks og stefna á enn eitt árangursríkt árgangsmót.

Með bréfi þessu ætlum við jafnframt að kanna þátttöku ykkar. Eins og allir vita er það mjög mikilvægt fyrir allan undirbúning að fjöldi þátttakenda liggi sem nákvæmast fyrir og það sem fyrst. Þess vegna biðjum við ykkur um að senda þátttökutilkynningu fyrir 15. apríl n.k. þannig að auðveldara verði með framhaldið fyrir okkur hér í Eyjum. Nákvæmt þátttökugjald getum við því miður ekki gefið upp en við höfum stefnt að því að halda því í eins miklu lágmaki og frekast er unnt.

Þátttöku má tilkynna til:

Brynhildur Friðriksdóttir sími: 481 1304 , netfang: binna@vestmannaeyjar.is

Eva Andersen sími: 481 1536 , netfang: eva@teiknistofa.is

Magnús Sveinsson sími: 481 1825 , netfang: vestafg@olis.is

Ólafur Óskarsson sími: 481 1959 , netfang: oliveigu@isl.is

Ragnar Óskarsson sími: 481 1177 , netfang: raggo@ismennt.is

Svana Pétursdóttir sími: 481 1587 , netfang: svandis1@mmedia.is

Sævaldur Elíasson sími: 481 1961 , netfang: svanbj@ismennt.is

Þá er ekkert annað eftir en að kveðja og fara að hlakka til endurfunda.

Sjáumst öll 7. og 8. júní 2002 !

P.S. þeir sem hafa netfang eru vinsamlegast beðnir að senda það til Konráðs á netfangið: konni@eyjar.is

Bestu kveðjur,

Undirbúningsnefndin