緊記不時重組硬碟

其實依家好多人會使用Peer to Peer軟件下載，好似流行的BT軟件就是其中之一，不過背後原理是將需下載的軟件細分數以千個的小單元，下載時以不規則次序下載，檔案排列時會以先到先得方式擺位，或者會有「有位就擺」的情況。

表面睇好似無傷大雅，但始終硬碟機讀取資料時，需牽涉機械組件，如轉動硬碟內的磁碟及移動讀取頭，當同一個檔案或同一個資料夾內的檔案的資料分散排列時，即表示移動次數增多，加速硬碟機損壞；同時每次讀取資料時亦需要花更多搜尋時間。硬碟重組的意思是將相關的檔案移至相近的位置，將檔案排列得更整齊，讀取時更有效率。

當然現時硬碟機價錢已經很平，120GB容量亦只不過賣七百多元，壞了大不了買過個新硬碟更換。不過最緊要係硬碟損壞後重要資料難以復原，重頭安裝Windows及其他應用軟件，又實在相當費時失事，其實每隔一、兩個禮拜，大家臨前重組硬碟資料就可將硬碟機損耗率降低，何樂而不為？