BABI-SITERE
En(ne) ado ki doet djouwer a esse ene grande djin
po ki des grandès djins pouxhnuxhe sôrti djouwer come des ados.
BON MOENNAEDJE
Po esse bén avou èn ome, fåt li vir voltî ene miete et fåt bråmint cachî a l' comprinde;
Po esse bén avou ene feme, fåt li vir voltî bråmint eyet rén cachî a comprinde.
BOYAU-SCOUT
On gamén abiyî come on couyon, k' est moenné pa on couyon abiyî come on gamén.
ECONOMISSE
Ene sakî ki vos dirè dmwin
po kesse ki n' s' a nén passé
çou k' il a dit ayir
ki d'aleut ariver ådjourdu.
INFORMATIKÎ
C' est on gayård ki vos met bråmint d' arokes
eyu çki vos nd avîz k' ene -
ki vos n' savîz minme nén ki vos avîz.
CANDJÎ
C' est çou k' ene feme croet k' ele va fé fé a l' ome k' ele va maryî.
Eyet c' est çou k' èn ome croet kel feme ki va maryî èn ferè jamwais.
MÅ DI TIESSE
C' est on truk di feme po vos aspaitchî di cachî a li fé èn efant.
MARIAEDJE
Fé çou k' i fåt po awè a arindjî a deus eshonne,
des arokes k' on n'&nbps;åreut nén yeu
si on aveut dmeuré tot seu.
NINFOMANE
Cwålificatif edvinté pa les omes k' ont ene feme ki vout fé ça pus sovint k' yeuss.
OTOBUS
Ene cariole ki, on côp k'&nbps;on est didins,
va deus côps moens rade ki cwand on courreut après.
PÅRLUMINT
Vént do francès : Pårler eyet Minti.
PSICOLOGUE
Ene sakî ki, al plaece d' erwaitî el bele comere ki passe e rmouwant si cou
erwaite tos les ôtes l' erwaitî.
PULÔVERE
Èn abiymint ki les efants doevnut mete cwand leu mame a froed.
RAWAEYE-MATÉN
C' est ene ôrlodje po les cis ki n'&nbps;ont pupont d' efants po les rawaeyî timpe.
SINONIME
Mot po dire djusse el minme k' èn ôte, sins k' i vos prinne po on bôyåd.
ou bén
C' est on mot ki vos metoz al plaece d'&nbps;el ci ki vos n' savoz nén comint k' i fåt li scrire.
TRAVAYÎ EN EKIPE
Awè l' truk po k' on mete el dosseye so les ôtes.
VIKER LONTINS
Les omes maryîs vicnut pus lontins ki les vîs gårçons.
Portant c' est bråmint pus sovint k'&nbps;i vôrént bén mori.
EYET L' DIERIN MOT
Dins les margayes di minnaedje, el feme a todi l' dierin mot.
Si l' ome dit co ene sacwè après leye,
c' est paski c' est k' i comince dedja el margaye shuvante.