＋＋演員／Model&Friends篇＋＋

Joman蔣魚魚是我在Y2K+01中第一個認識的演員，因為她在留言版很用心覆我們的留言，跟她在ICQ傾計時，也覺得她很Nice，所以就幫她做了她的第一個網頁－有Man出Jo了。她真的很抵錫的，也對Fans像朋友一樣。 她也是很搞笑的，因為常常也會做些烏龍事！你要俾心機讀書呀∼希望你越來越多Job啦！
Kenny關的關就是我ICQ Nickname中的關，也即是他就是傳說中的關生喇∼(唔好再問我點解叫關太，我以前都叫陳太，係陳曉東個陳)不過佢好多二奶、三奶、四奶.....花心斌！ 佢真係好靚仔架，記得我第一次見到佢時真係忍唔住尖叫左出黎！不過見得多就冇咁大反應喇，但都依然係靚仔一名既。（而且佢又成日俾我見到D好唔掂既樣啦！）初初以為佢Cool Cool地，但原來好多野講架，又搞笑喎∼而且把口仲好識Lum妹妹仔添！希望佢出道後會大紅大紫啦！我一定Support你架！
Steven哥(小提芬)唔係人，而係鬼，因為佢係中荷混血兒，所以佢又叫大鬼。 識佢係因為Kenny帶佢出黎(佢又係英皇人，又係靚仔囉)雖然佢平時好似低低BB咁，但都幾有心既，而且份人都好真，所以我都好錫佢架，不過如果再生性D就唔駛成日激到我死死下∼ 佢唱歌同跳舞都好得架，而且又成日鬼鬼馬馬咁，所以Tum到唔少妹妹仔架！佢同Kenny一齊就會發癲∼仲有呀！佢成日都笑我，尤其係笑我對住Kenny會面紅囉∼好耐都冇啦∼仲笑人！
Ken哥係我既好姐妹，點解？因為佢又係Kenny既人囉，成日都同我爭，好鬼死衰架！ 第一次見佢唔敢同佢講野架，因為佢真係好Model格，睇落好Cool，但識左後先知佢好Nice架！又好人啦∼又好傾啦∼又乖仔啦∼而且仲好有本事，除左做Model外，仲有一份好好既正識。我等住睇你行CatWalk架∼俾心機呀！	齊爺份人好過癮，成日都扮依樣扮o個樣，好鬼搞笑∼ 佢好多野講架，成日都BiLiBaLa，不過有時又會好怕醜喎！佢著衫好In架試過同佢行行下街俾Milk既人捉住影相架！ 佢而家都有拍下戲咁架∼一碌蔗就有佢份喇，你有冇睇呀？ 初初見佢都覺佢真係幾似任賢齊，不過佢就係Cute版囉！同親佢一齊都會成日笑唔停∼哈哈！
阿Ben哥個樣同思想都好似好大個咁∼不過佢大我唔係好多架咋∼佢都好型架，尤其係夾Band個時∼ 初初見佢又係覺得佢好Cool同有D惡，但原來唔係架，佢係ICQ講野好好笑，而且佢成日都好鍾意講野，又好鍾意講道理。一時就好似細路仔，一時就成個老人家咁！	Mandy真係好靚女架，所以都好驚佢同佢影相∼哈哈∼講笑咋！ 本來唔鍾意佢架，以為佢係姣姣地既女仔，但原來佢唔係架，佢都好好人，又玩得喎∼ 佢唱歌都好聽架，所以就做左歌手啦∼無錯∼佢就係英皇新人3T中既Mandy喇∼祝你大紅大紫啦！
新人皇阿樂就係佢喇∼不過同佢又唔算識既，只係幫佢生日做過MC，此外又見過幾次囉∼ 佢都唔係想像中咁Cool，都幾Nice，不過就成日都記住我係佢生日時用Candy張Poster玩佢囉∼ 最記得除夕個晚佢叫我上台玩game，搞到我成個傻婆咁∼哈哈∼	又係大鬼？唔係呀∼佢係細鬼Ryan，即係小提芬個細佬呀∼佢地好似樣架∼不過佢仲更加鬼D∼ 佢都係Part-time Model黎架，成日D年青雜誌都會見到佢∼ 搞笑在佢阿哥係英皇人，但佢就係Edison Fans Club既要員喎！見到Edison既地方都應該會見到佢架！ 佢又係好鬼死鍾意講野架∼成日都唔停口∼哈哈！
Rachel是阿Ben女朋友，第一次見她便是在阿Ben的生日會中，她真的很Nice的，我和她也有通email的∼ 我都好鍾意佢架，因為佢真係好好人，而且覺得她很可愛，很Sweet∼又很叻女∼ 她也是Model，而且仲有拍下戲咁架！	天池是Joman的超級好友，因為次次見Joman都一定見到佢，不過大家唔駛再估，佢唔係Joman男朋友呀∼ 天池成日著衫都好型好In架，又識自己玩D.I.Y.喎∼ 最記得係佢自己畫既白飯魚真係好靚架∼我又要我又要！