GAZETE LETRARE;INFORMATIVE;KULTURORE E SHKOLLES:A.Z.CAJUPI                              

Mesuese Ada.
1- Thonë që shpesh shkruhet (një poezi, një tregim, një roman) edhe për të harruar. A është e vërtetë?
- Momentalisht jam duke lexuar një libër best seller “Vetëm një herë në jetë” nga Daniel Still, dhe duke lexuar librin mendon se autorja ka futur shumë ngjarje nga jeta e saj. Për të ardhur tek pyetja juaj mendoj se nuk shkruhet vetëm për të harruar por edhe për të kujtuar ato gjëra që kanë lënë mbresë për ty. Unë shkruaj edhe vetë dhe shpesh shkruaj ato gjëra copëra kujtimesh që kanë lënë gjurmë për mirë apo për keq, të bukura apo të shëmtuara qofshin njeriu kthehet së kaluarës nëpërmjet së ardhmes. Kjo është ideja ime, dhe përfundimisht unë jam e mendimit edhe unë shkruaj dhe shumëkush shkruan për të kujtuar gjithçka nëmos mund t’i lërë të stivuara në kutinë e zezë pakuptim.
2- Të ndershmit martohen shpejt, ndërsa të mençurit nuk martohen asnjëherë e vërtetë?
- Nuk jam dakort me këtë shprehje, sepse në kundërshtim të saj mund të them diçka tjetër nuk mund të quhet e mirë një grua meqenëse jam vetë grua në qoftë se asaj nuk i jepet qoftë edhe një herë rasti në jetë të bëhet e keqe dhe të keqen e fusin në thonjëza. Jo vetëm e keqja që jemi mësuar ne deri më sot konceptet etike, morale kanë ndryshuar me kohën dhe për mua këto koncepte kanë ndryshuar.

Mësuese Ina (mësuese biologjie)
1- Si e jetoni milleniumin e ri. Kohën, fantazinë, botën shpirtërore, me rreptësi apo e humbur në pafundësi?
-Milleniumi i ri për mua është një vit beteje, është një fluks emocional i gjithanshëm, një betejë për të fituar vetveten dhe pastaj fëmijën tim që është duke u rritur, të fitojë të rinjtë që jam duke i edukuar me ndjesinë për të qenë të lirë larg dhunës, larg terrorit, dhe që të jenë të dashuruar dhe në paqe me njëri-tjetrin.
2- A është e parimit Znj. Ina të shprehjes së goditur latine “Per aspera ad astra” - nëpërmjet gjërave të hidhura, sakrificës arrijmë të kapim yjet.
- Kjo është shprehja më e goditur për veten time sepse në jetën time ka aq shumë gjëra që më bëjnë që shpesh herë ta ndjej veten “doën” (pesimiste), por duke e kuptuar në aspektin biologjik njeriu ngrihet shmë më fortë në qoftë se arrin të përballojë gjërat më të këqija të jetës se vet, dhe më e keqja e vetvetes është të ndihet se po humbet nga vetja dhe të ndjehet i dhunuar duke ia marrë edhe gjërat më të shtrenjta që ai posedon. Atëhere ai lufton për të mundur betejën më të keqe. Edhe unë luftoj dhe besoj se do ta fitoj betejën e nisur.
3- Midis dashurive të shumta që mund të keni patur preferoni të lidhni dashurinë e bazuar në anën intelektuale apo në eros
- Midis dashurive që kam pasur, eh unë gjithmonë jam e mendimit unik: Mashkulli duhet të jetë tepër intelektual, tip i humorit, tip shumë i dashur dhe të bëjë për mua.

Pr. Dhanili (pr. shkenca shoqërore)
1- Ndërmjet një gruaje të bukur, inteligjente dhe të pushtetshme e cila të fton për një darkë romantike dhe një fondi monetar për rregullimin e shkollës çfarë do të zgjidhnit?
- Pr. Dhanili si gjithmonë preferon, dashuron dhe admiron të bukurën që ta shplodh fort syrin e shpirtin.  Dëshiroj të përshëndes, kolektivin e mësuesve të Andon Zako Çajupit, dhaskalët e dhaskalicat dhe në veçanti nxënësit ndër të cilët do të veçoja Nurion Sulën. Suksese.

Znj. Ardita (mësuese letërsie)
1- Dashuria ndihmon të aftët apo të paaftët?
- Për mua dashuria të aftit i bën të paafttë dhe të paaftët të aftë. Uroj të gjithë mësuesit, në veçanti mësuese Bardhën që feston 50 vjetorin në një ditë kaq të mrekullueshme sa 7 marsi, sepse ka tepër nevojë në këto momente. 

Znj. Laura (mësuese anglishteje)
- Në një publicitet thuhet që gjoja shqiptarët njohin të gjitha gjuhët e huaja. Po zysh Laura a është dakord?
- Jo, vetëm unë i njoh gjuhët e huaja (të qeshura me dënesë). I uroj mësuese Arditës një mal me dëshira dhe i them se e dua fort.

 Znj Majlinda Bendo (mësuese kimie)
- Zhgënjimi nga jeta, sjell urrejtjen për të apo vullnetin shpirtëror për të ndryshuar realitetin?
- Unë kam një mesazh të madh për të thënë:: Urrejtja në asnjë mënyrë, sepse shkakton shkatërrimin e gjithçkaje që ne kemi ndërtuar. Duhet patjetër të kemi shpirt të madh e të duruar për të përballuar gjithçka dhe për të ndryshuar atë.

Znj. Liliana Basha (mësuese matematike)
- Familja për ju ka qenë një port zbarkues apo një dritë (far) që të tregonte udhën që duhej të ndiqje?
- Unë gjithmonë kam menduar se familja ëshhtë gjithçka, dhe gjëja më e mirë që njeriu ka, dhe për mua familja ka qenë si port zbarkues ku unë gjeja prehje, rehati, bashkëbisedim por edhe foleja në të cilën unë u përshtata për të marrë udhën, drejtimin për jetën time, shumë gjëra për të cilat edhe mburem.

Znj. Liliana (mësuese informatike)
- A ishe e aftë e mirë në studimet shkollore? Cilat lëndë mësues të kanë mbetur thëllë në zemrën tënde?
- Dy lëndët që unë jam përgatitur më tepërr ishin matematika dhe fizika, dy lëndë sa ekzakte aq edhe imagjinare për të luftuar me problemet e ndryshme, dhe kur i zgjidhja me dukej sikur kisha fituar gjithçka. Dy mësuesit e përkushtuar Myrvien Qendro dhe të paharrueshmin profesor Bardhyl Kondo të cilëve e uroj një mal me urime. Në fakultet ku kam mbaruar inxhinieri mekanike nuk kam shkëlqyer siç kam shkëlqyer në gjimnaz ku pata me të vërtetë një shkëlqim nga përgatitja dhe mundi me të cilin i përkushtohesha. Edhe fëmijëve të mij i them: “Ju me të vërtetë merrni 10 por nuk i keni si të miat” I uroj meqë janë festat të gjithë mësuesve por sidomos kolegëve të Çajupit gëzuar 7 - 8 Marsin.

Pr. Fatos Mustafaj (profesor fizike)
- Në jetë Ajnshtajni zgjidhte jo vetëm ekuacione matematike e fizike por edhe shumë ekuacione dashurie, për këtë dimension të jetës fizikanët si pr. Fatosi i zgjedhin në mënyrë absolute apo në mënyrë relative?
- Çdo gjë në sfera të ndryshme të jetës nee e zgjidhim në mënyrë relative.

Znj. Vojsava (mësuese e popullit dhe e nxënësve të Çajupit në lëndën histori)
- Përse epoka në të cilën jetojmë është përfshirë nga terminologjia “U bëra problem për veten time apo krizë identiteti”?
- Është vetë ambjenti që të rrethon, që nxxjerr këto pjella, dhe fëmijët. Adoleshentët janë viktima të periudhës së kobshme që po kalojmë jo vetëm Shqipëria por e gjithë bota. Është kriza e identitetit në rang shoqëror që ndikon ashpër duke dhënë pseudovlera amorfe për këta fëmijë për të cilët familja nuk mund të bëjë më tepër. Por unë si Vojsavë nuk mund të bëj gjygjin apokaliptik vetëm për vendin tim por për të gjitha shtetet të cilat janë tepër të konsoliduara kemi kriza identitetesh për faktorë të ndryshëm ekonomikë, politikë, shoqërorë qofshin këto. Mesazhi që unë dua të jap është: Të punohet akoma më tepër për brezin e ri për t’i dhënë atij dije, kënaqësi në fusha poliedrike dhe duke i ndaluar ata të bëhen “të pamoralshëm, të pashpirt duke kaluar në krizë totale prandaj djem dhe vajza punoni dhe jetoni më mirë, më bukur çdo ditë të jetës suaj duke pasur sytë tek e ardhmja sepse vetëm atëhere njeriu përpiqet të bëjë diçka, me shpresë, me optimizëm kudo në Botë. Duhet të kenë besim tek njëri - tjetri dhe duhet bashkëpunuar.

Znj. Bardha (mësuese letërsie)
1- Si grua dhe si femër çfarë sheh të bukur në trupin tënd?
- Unë si femër tek qenia ime si kompleksittet shoh shpirtin tim të cilin dua ta mbaj të ri, të bukur, të pastër. Kjo bashkangjitet me faktin se punoj me një brez të ri.
2- Për Noriakun dhe Balzakun vetëm në provincë mund të bëjmë më bukur dashuri dhe dimë të urrejmë më tepër. Po për Znj. Bardha a është e vërtetë?
- Për mendimin tim dashuria nuk ka të bëjëë fare me mjedisin, ajo ka të bëjë vetëm me njerëzit që dashurohen dhe këtë ndjenjë kaq të bukur ato mund ta gjejnë kudo dhe ta ndërtojnë kudo!