Historia di formanan di bringa (combate) organisa, ta data hopi 100 añanan atras.  Segun documentonan e gruponan di soldadnan a wordo entrena den arte martial pa sirbi nan pais y reino. E soldadnan aki tabata tin habilidadnan di bringa tanto cu arma y sin arma. E sistema di bringa tabata wordo yama Soo Bahk Do. Pero e no tawata e unico sistema di bringa. Durante e dinastia di "Yi" (1392-1910) e hendenan di Korea tambe a desarolla diferente tecnicanan di skop cu nan tawata yama Tae Kyun.   Tang Soo Do ta un kombinashon di e estilo Soo Bahk Do influenciá dor di e sistema Chines di Tang y Tae Kyun, e tecnicanan di skop y sabiduria oriental. Awendia Tang Soo Do ta wordo reconoci y ta basa riba e estilo di Moo Duk  Kwan. E skol Moo Duk Kwan a wordo funda dor di Gran Maestro Hwang Kee na 1945.   Tang Soo Do ta un arte martial clasico y no un sport. Aunke cu e no ta competitivo e tin gran aplicacionan di combate.