★☆24-07-2001　星期二★☆

前幾日去左camp，到今日先恢復元氣。今日出去尖沙咀同金鐘攪去台灣讀書ｄ野。乜都未plan好，不過我諗多數９月初去台灣。我家姐講去到要讀成十科，到時都唔知有冇時間打理呢個網頁﹏

★☆22-07-2001　星期日★☆

今日留係屋企休息，點知電腦死左。唯有睇西裝友借比我既“同居蜜友”。最攪笑係Sammi叫梁朝偉做“BeBe”！

◇◆◇◆◇◆◇◆◇◆◇◆◇◆◇◆◇◆◇◇◆◇◆◇◆◇◆◇◆◇◆◇◆

★☆21-07-2001　星期六★☆　去CAMP第三日

今日要走喇，呢兩日玩得咁開心，真係唔捨得走。不過個個都玩到殘晒，再唔走佢地會死。我地搭船去中環食Lunch，之後就各自歸家喇！

總括黎講呢個camp都幾好玩，我知以後好難會有機會一大班人去camp喇！所以“開心的東西要專心記起”。

返到屋企周身痛，不過都玩左陣電腦先訓。

★☆20-07-2001　星期五★☆　去CAMP第二日

班男仔晨咁早起左身，聽講仲出左去。我，阿卞，阿珮同TiGer訓到十一點幾先起身！唔知邊個發明左War Game 呢樣野，成朝班男仔又玩到癲晒咁∼

由於冇晒乾糧，我地決定出去梅窩買野食。去到梅窩我地先食飯醫肚，之後租左兩個鐘單車，成班人周圍踩∼我有好多年冇踩過單車喇！ｄ技術都ｏｋ啦！原來梅窩ｄ風景仲靚過貝澳架！真係開心∼∼

踩完單車我地去惠康入貨，再搭車返貝澳！之後我地踢晒拖(鞋)落沙灘踢波（冇辦法啦，得我同阿珮兩個女仔，唯有玩ｄ男仔野）。不過都玩得幾開心呀！最慘係o係水度玩數子球，我同珮都俾人掟落水！仲要濕晒咁行返渡假屋，真樣衰！

夜晚我地去左一間餐廳度食晚飯。返去渡假屋佢地玩War Game。

★☆19-07-2001　星期四★☆　去CAMP呀！

今日出發去貝澳camp，約左朝早九點o係碼頭等。總共有十一個人去：我，阿卞，阿珮，TiGer，海狗，大頭，肥虫，L，西裝友，老野同May May。我地唔係好識搭車去貝澳，又行錯路，所以攪左幾個鐘先到貝澳。

間渡假屋都幾"骨子"喎，三房兩廳，不過就殘左ｄ。我地去到冇野做，有ｄ去踢波，有ｄ就打牌，就咁hair左成個下午，真係徙晒！之後去左球場，竟然撞到老鼠喎！佢又係同ｄfriends去貝澳玩三日兩夜。

六點幾我地上左天台BBQ，ｄ風景都幾靚ｂｏｒ∼

夜晚我地入晒房，熄晒燈講鬼故，高潮位就係西裝友講佢去馬拉旅行得番黎既鬼故："咯咯！咯咯！"仲有"華師父" 哈哈∼講完鬼故又講是非，一講是非大家精神晒。之後我地搬晒ｄ床褥出廳，傾偈傾到朝早四、五點先訓，由於我訓唔慣“生寶床”，所以訓得唔係咁好。不過出得黎camp都預左架喇！

◇◆◇◆◇◆◇◆◇◆◇◆◇◆◇◆◇◆◇◇◆◇◆◇◆◇◆◇◆◇◆◇◆

☆★15-07-2001　星期日★☆

尋晚失眠喎......碌左兩個鐘，起左兩次身，到3點幾先訓得著，真係酷刑。

突然諗起古巨基一首舊歌<Can We Try>，記得個時基仔憑<歡樂今宵>紅左，仲比人叫做假音王子，所以特登起身搽摷返佢隻碟黎聽。呵呵∼真係好正！個感覺好似返番幾年前咁(後生晒)！