ROJBER PISTULKA

Ja, i glywicke Slonzoki znajom ta legynda.Kery bajtel ze Gywic abo ze kole Glywic niymiou takyj pistouli jak on?!A pocichu wom powia ize we od niego babdzie bou podobno i jakis karlus ze kole Glywic. Bezto tysz ze naszo zajta we internecie sie tak nazywo(Glywicke Slonzoki) cza sam konsek o tym Pistulce opedziec. Dyc kozdy prowdziwy Glywiczok go zno. Abo?

Kozdy suyszou juz bojki o rojbrze Pistulce ale niy kozdy wiy , co tyn "Pieron" zou naprowdy. On rojbrowou i kole Glywic, lotou ze swoimi kompanima po uabyndzkim lesie i roz sie podobno i bou obejzec tyn nosz dziobelski kamiyn. Mozno i ze tym naszym dziobuym sie trefiou, ale tego to juz zech niyma zicher. A naprowdy to bouo z nim to tak/tak stouo we jednym katowickim cajtungu ze tamtych lot:

dziwiontego tego miesionca, wczesnie bo okole drugyj godziny w nocy miouo miejsce pironym frechowne wuomanie sie do biura kasy od Tiele-Wincklerschen Rendanten Knappe na Schlossstrasse4(znocie jom tysz jako ul. Armii Czerwonyj). Wkroduo sie tam osiym rojbrow . Przikludziyli one (te rojbry)mit kule(wauki) ze manglowni. Na tych kulach wykulali couko kasa pancerno bez okno gynau na narichtowano fura , kero stoua pod oknym. I tysz ze tom kasom pojechali we richtunku Domb. Staznika, kery miou wachowac kole tyj kasy, powionzali sznurom i fest narobiyli mu stracha ze pistoulom, coby bou cicho , i tysz wciepli na ta fura. Konsek przed Dombym wyciepli go do przikopy choby jaki miech, i tela. Fura i konia "pozyczyli se(he,he!) te rojbry od masorza G. we Josefdorfie(Josephsdorf - Jozefowiec). Mauo, te pierony mu ostowiyli na parapecie od okna kartka, kero znod o piontyj rano jak wstou, a na tyj kartce szkryfli coby dzisiej konsek pozniyj po woda ze furom jechac. Kole kertki ostowiyli mu tysz na pociecha piora cygarow, take to byli maszkytne rojbry! Jeszcze potym ludzie znodli ta fura na polach kole Domba, a ta pancerno kasa, ino ze pusto, tysz ino konsek potym i kajs indziyj. Tych rojbrow (cuzamyn do kupy bouo ich niykedy i 70 chopa), od kerych oberrojbrym bou Pistulka, i od niego
prawo rynka Elias, i tysz "kasynrewizora" Schidlo, kery dou im typ ze tom kasom, chyciyli we lesie kole Wilhelmstal(Muchowietz). Ale niybouo to tak szybko. Keby Sie schowali we uabyndzim lesie to by ich tak leko niy chyciyli. No ja to by bouo tela co sie idzie ze starych cajtungow dowiedziec. Prowda je tysz tako ze do dzisiej je Pistulka, Elias i od niego rojbry znane na coukim Gornym Slonsku. On podobno couke swoje piyniondze rozdou potym biydnym ludziom, a niykere ze od niego kompanow rozprowiali jeszcze dugo jak to bogatych okrodali ino poto coby biydnym pomoc. Eli tak bouo, pieron wiy, ale jo mysla ze cosik w tym prowdy musi byc. Inaczyj by sie Slonzoki go tak niy upodobali. To by bouo na tela.

Pyrsk!

<<< Nazot <<<