Song/Track Number	Song Title	Singer(s)	Time in minutes	Language
1A	Sweet Fantasy	Lorna	-	English
1B	Yo Moga Mhojea	Lorna	5.15	Konkani
2	Asha ani Gopi	Anthony San, Sumeeta	4.20	Konkani
3	Mandovichem Udok	Young Chico	6.50	Konkani
4	Goa Ke Raste Pe	Young Chico, Anthony San, Sumeeta	3.20	Hindi
5	Roddum Naka	Young Chico	4.20	Konkani
6	Mogacho Divo	Lorna	3.45	Konkani
7	Pavoi Sorgar	Young Chico	3.40	Konkani
8	Silver Jubilee	Lorna	4.15	Konkani
9	Budhichim Utram	Young Chico	3.10	Konkani
10	Goa, Tuka Noman	Anthony San	5.25	Konkani
11	Cazar Zat' Re	Anthony San, Platilda	3.50	Konkani

Konkani Cd # 1 song # 1 A

SWEET FANTASY by Silviano Barbosa

Sweet, sweet fantasy, you fill my heart, my soul, with ecstasy.

Sweet, sweet paradise, that’s where I’ll be, when you are by my side.

Please don’t go away, stay with me, a moment more

Because you are the only one, that I adore.

Please don’t break the chain of my dreaming odyssey

Let me relish, My sweet, sweet fantasy.

Konkani Cd # 1 song # 1 B

YO MOGA MHOJEA By Silviano Barbosa

Yo moga mhojea, nekhetram modhem, mollbar sodtam tuka

Yo moga mhojea, Chondrimacher, utor ditam tuka.

Rompio zalim zhaddam, sodhun sodhun guelim vorsam

Khoimsor assa, kolloi mhaka, dhanvon etam.

Sabar motiam modhem, eklench tum thik lipon assam

Kednaim tori mellot mhaka, asheun rautam.

Yo moga mhojea, kalliz asheta, venguent dhorunk tuka

Yo moga mhojea, sukh-sontoss hadd, jivitant-u mhojia.

Diss ani rati, tuzoch ugddass, tujich dashtti,

Kitem fuddar moga vinnem, jivit khali.

Uloi bhass kallzachi, bhagoi tum tan hia mogachi

Veguim nivoi gormi tum hia, hunn rogtachi

Veguim nivoi gormi tum hia, hunn rogtachi.

Konkani Cd # 1 Track/Song # 2

ASHA ANI GOPI By Silviano Barbosa

Gopi Shitoll vatavoronn Colviant

Laguim evn boss mhojia moriant

Dhortoch tuka ghott venguent mhojea Asha

Lharam uchamboll zatat doriant.

Asha Gue Gopi maka tujea gopant

Mhozo hat dhor tujea hatant

Pixim koxim haum podlim tujea mogan

Hopddetam prem korunk lagan.

Gopi Asha polloi nillea mollbar

Sheunniamcheo zhoddeo thoim sabar

Polle koxeo uddtat varear

Veguim prem kor-ya diss zata kabar.

Asha Tunch mhozo sopnantlo kunvor

Kallzak uzo petton zala dhunvor

Sonsunk zaina tujea mogacho pawor

Veguim maka dadoshi kor.

Gopi Asha tum dista sundori

Pollounk dista Bamnali pori

Kalzant amchea bandia mogachi dori

Ani korya lognachi toeari.

Asha Naka dusro tujea shivai,

Dorya, vharem assat govai,

Tujich goroz, tunch mhaka zai

Kalliz mhojem vhoron tujea kallzak lai.

Asha Lagun tujea premachi nosha

Polle koshi zalea mhoji dosha

Mon mhojem kiteacheruch lagna Gopi

Haum tujim tunch mhozo khasha .

Gopi Rukha mullan vochon boshia

Premacheo khobro ami sanguea

Akhea jogant uloitat premachi bhaxa,

Tor amich kiteak fattim rav-ya.

Asha Gopi udkak tenkla surya

Kallkhant gheun bosla dorya

Soimbhachi dekh ami ghev-ya

Ani tillsanner prem suru kor-ya

Ani tillsanner prem suru kor-ya.

Konkani Cd # 1 Track/Song # 3

Mandovichem Udok (Konkani) By Silviano Barbosa

Tambddo surya denvon riglolo Aguad doriant

Shitoll vareachea sangatan, lharam nacho udkant.

Nillea mollbar, sukhnneachem zhoddem kori gaian

Hea vellar ami mog kelolo Miramar-chea kossant.

Chorus

Dukhanchi zhor futtlea hea dolleant

Mandovi nhoichem udok vhanvta dista doriant

Niall kortoch tea mogacho mhojia monant

Peklolo ghav jivo zata mhojea kalzant.

Chearuch mhuinem aslim eka mekachea mogan

Khorench sorg assa kosso disso amchea hea sounsarant

Mudi ghalun, cazar korunk chintlelem honran

Okosmat Portugalak guelem, soddun maka Goeant.

Miramarche veller bossun moga ulhastam

Tea odhuria mogachi tan ani bhuk haum sonstam

Kallzant mhojea urba nacho ti sompli atam

Dadoshi korunk nam zalo, sopnant ass bagoitam.

Konkani Cd # 1 Track/Song # 4

Goa Ke Raste Pe By Silviano Barbosa

Goa ke raste pe, raste pe, cholti hai ek gaddi,

Gaddimein dikhti hai dikhti hai, ek lal saddi

Saddimein chupphi hai chupphi hai, ek sundor nari

Narika ka pyara nam pyara nam, hai Rosa Marie.

Marie tum lazum noko lazum noko, tera ashik Harry.

Vho donom cholte hain cholte hain Old Goa to marry.

Phir sobko fenni party fenni party with sorpotel curry.

Honeymoon Dudh-sagar, Dudh-sagar suhag rat hai sari.

Ek sal bad, ayega ayega nanha bachha Jerry

Sob bolo Marie ki jai Harry ki jai, enjoy, don't be sorry

Sob bolo Goa mein Goa mein, Be Happy Don’t worry

Let’s all, go to Goa , go to Goa, the air is fresh and merry!!!

Ya ya maya ya, ya ya maya ya Vamos a Goa , ya ya Goa , ya.

Konkani Cd # 1 song # 5

Roddum Naka (Konkani) By Silviano Barbosa

Roddum naka, golloinaka dukham

Chinti naka, soput mhozo, fattim haum ghetam

Vissor mogan surngailelim sobit sopnam

Tujea novia nourea sangatak sukh aunddetam.

Chorus

Nimnne pautt venguent mhoje io

Ghott maka dhor ani di abras tuzo

Tujem mou ang maka tenkoun,

Nimne pautt pettoi to uzo

Sodanch kalzant sambattolom, mog tuzo

Moipass tuzo.

Bhandlelem dor, suttoun uddoum-ea

Upai sodhya, jivit korunk, sukhacho doria

Faliam portun, udetolo, novo surya

Don rosteanchi vhatt tannuncheak, suru korya.

Konkani CD Track/Song # 6

Mogacho Divo By Silviano Barbosa

Ankvarponnar poddlim ami mogan

Cazar zatoch, sorg dislo sounsarant

Sukhi jivit amchem podlem dukhant

Sontoss guelo, ubhem zalem tufan.

Chorus

Dhonia kitem mhozo fuddar

Chintlear, naka dista sounsar.

Gueloi soddun kalliz tutoun mhojem

Ghevun bhountam, dukhachem hem vojem

Modhur kalliz dharunn zalem tujem

Itlean kabar sukhi jivit mhojem.

Mogan pettoilolo divo

Nishttur vharean to paloilo.

Adlo ugddas korun soddttam ulhas

Sukhi sounsar korunk dileli bhass

Mog ho kabar bhale marun sabar

Dukhacho pauss hea mhojea kallzar

Adeus , adeus, adeus mhojea Moga

Devan sodanch feliz korcho tuka.

Konkani Cd # 1 Track/Song # 7

Pavoi Sorgar By Silviano Barbosa

Sobit dista tum rupan

Chondrim lipla vhoir kupan

Mogachem suttlam tufan

Ashelam bagounk hi tan.

Assam so dista sopnant

Ghetokuch tuka gopant

Korun jadu mogacho

Sorg dakhoi hea sounsarant.

Chorus

Chandneachea tea uzvaddar

Nekhetram distat mollbar

Modhiam-ratchea vellar

Moga, pavoi, vhoir sorgar.

Eksuro aslom udhas

Sodanch tuzo kori ugddas

Bhogunk dadosponn purem

Kallzantle soddi ulhas.

Sabar fulam ditat vass

Pun tuzoch mhaka mhoipass

Pettoun uzo kallzacho

Bhagoi he kuddichi ass.

Konkani Cd # 1 Track/Song # 8

Silver Jubilee (Konkani) By Silviano Barbosa

Ponchvis vorsam aiz zalim passar,

Soirik korun, zalelim cazar

Igorjent lok, zomlolo sabar,

Sopnam amchim zalelim sakar.

Aiche rati, caz’arachea mattvant,

Nacho ami, dolle laun dolleant,

Aslim disso sorga rajeant

Vhoir bhum-voi-kuttant.

Chorus

Silver Jubilee, cazaracho,

Vhoddlo diss amchea ekvottacho

Kai borim bhurguim, foll niz mogacho,

Khoxechim, dukham, polloun ho dobazo.

Utor ditam sangatea mhojea,

Tum niz mhozo haum tujem anjea

Mudi ghalun bottar tia tujea

Kallzam sashnank bhandia

….. Kalzam sashnnak bhandia….

….. Kalzam sashnnak bhandia….

Konkani Cd # 1 Track/Song # 9

Budhichim Utram (Konkani) By Silviano Barbosa

Guirest goribank, sogleank ekuch vharem

Doriant nistem, punn sogleank udok kharem

Dhaktti rompi, zhadd zata, poddtoch sarem

Sodanch chint korunk peleachem borem.

Apunn tosso pelo mhunn, ugddas dhovor

Shikun zau vhoddlo, zau naka tum kam-chor

Zaitem zhoddtoch, peleacher ghalinaka vissor

Sodanch dadoxi tum rav jivit bhor.

Chorus

Gorib zaum guirest zaum konnuim zaum

Sounsarant moronn chukonam

Hindu zaum, Cristao zaum, Muslim zaum

Dev omkea dhormank oddonam.

Kalliz tujem dhor sap

Dusreak bori di zap

Ontoskorn topassun

Dev favo korta map.

Bhurgueank borem xikoun, unch zaguear pavoi

Vavr-dhondo vhaddoun, yeshachi chodd malloi

Gorjevontank pavon, vhoddpon tum dakhoi

Zannam zavun ken'nach peleak mat dukoi.

Ho sounsar don dissancho, moujen sarya

Sogleank adhar divun, eka mekak pavya

Aiz aslear faliam nam, hem motint dhorya

Akho sounsar khuxal-kaien bhorya.

Konkani CD Track/Song # 10

GOA TUKA NOMAN By Silviano Barbosa

Sounsarant, sounsarant, assam ek ojeap attvem,

Sabar xekdde liplelem, sodhun kaddunk nam konnem,

Sobit sundor, darzonnem, guirestkaien bhorlelem,

Doryache deguer ubharun, Devan rupnnem kantoilem.

Chorus

Goa, Oh Goa, bhangarachem, Goa, Roma udentichem

Goa, bhanddar tum Goenkaranchem, Rochnaran bhorlam dennianim,

Nettoilam fulam-zhaddamnim, Surngailam orixtt dongramnim,

Touristanchi Rannim.

Goenkar, Goenkar, nizache ami Goenkar

Pordexi, eun guele, sogleank amchem ugttem dar

Portuguez, soddun vetoch, boltech zale aiz saukar,

Borem magon, pottak lagon, pordessant, pavle Goenkar.

Sobit gaum, vhodlem naum, put tuje, nomann kortaum.

Goenkar, aiz pois-pois pavle, pun tuka vissorlenaum.

Kai borem, shitoll vharem, ghevunk ami otrektaum.

Dhuddu moddun, ghor-dar soddun, gopant tujea, martat dhaum.

Konkani Cd # 1 Track/Song # 11

CAZAR ZAT' RE By Silviano Barbosa

I

Boy Kit-go Coinsão aj, fuim go tum oita?

Tuk choilear jiv muzo uchamboll zata

Girl Kitea Bostião tum, muj hatlian mota?

Tuk choilear sounsar, maka naka dissota.

Chorus (Repeat)

Boy Tuzo ekdom chodd mog kotam Coinsão

Cazar zaun tuka ditam mojem naum

Girl Mojea mogan podla Dara Singh João (kitem?)

Tujea osleank matui leki nam re aum

Dialogues 1

Girl (Borem aham mure hem baizuon eshem

Bashi-bor…)

Boy ( Tum mak esh mari na teshi mar, pun tunch mak zaiem…)

II

Boy Coinsão cazrachem di go mak utor

Magi rokddem go istart, mogachem mottor

Girl Tuj padd poddom, tum gonshechem bontor

Tuj ani sunnea modem, kaim nam re ontor.

Chorus (Repeat)

Boy Coinsão kiteak tum vibaddtai fuddar,

Joãonk ravlear tum urtelem ankvar.

Girl Urlear urom vosson bostolim sankvar

Punn tuje kodde zaunchimnam cazar.

Dialogues 2

Girl (Sanglea dekun tenkot ess mure, kushin sorr

Boy Kushin sorom zaina, tuge moga magnet mak oddun otta)

III

Boy Boinnin mhoje maka boroilea go chitt,

Mhojem Canada vospachem zalam go fitt

Girl Tesh zalear Bostião um-attam re mitt

Cazar zaunk toear assam veguim book kor seat.

Chorus (Repeat)

Boy Alapranar Canada-ku oitolim (Avoiss)

Niagara Falls honeymoon kortolim (Neie garantum?)

I-Sky Dome-ant ami circus choitolim (Forenchi re?)

CN Tower-ant jevonn jeitolim

Dialogues 3

Boy (Ago ant borem fulola mugo)

Tem gonshe bontor also tem ant fuim guelem?

Girl Arre tem laundry-nt gan tek sarkem Canada ishnow white kelam

Boy Ani to Joao-u?

Girl Tej padd pollem, ami cazar zauiea ani Canada –k ya!

.