Yeh document, yeh meetings, yeh features ki duniya,
yeh insaan ke dushman, long-hours ki duniya,
yeh deadlines ke bhooke, management ki duniya;
yeh Software agar ban bhi jaaye to kya hai ??

yahaan ek khilona hai programer ki hasti,
ye basti hai keval bug-fixers ki basti,
yahaan par to error se hai warning sasti,
yeh Review agar ho bhi jaaye to kya hai ??

har ek jism ghayal, har ek rooh pyaasi,
dimaagon mein uljhan, dilon mein udaasi,
yeh office hai ya aalame badhawaasi,
yeh Release agar ship ho bhi jaaye to kya hai ??

jalaa do ise, phoonk daalo yeh documents,
mere saamne se hataa lo yeh documents,
tumhaara hi tumhi sambhaalo yeh office,
yeh Software agar chal bhi jaaye to kya hai?????