A se sabiatz lo pel de mon amor
Tan coma ieu ne perdriatz la rason
Una mar de sentor
Que s'asonda de son penche
Un paradís de flor
Lo pel de mon amor
Repic
E ieu deman la prendrai per la man
Nos n'anirem aval e de pel monde
E cada jorn
A totis los ressons
Ieu cridarai lo nom
Del meu amor
A se sabiatz los èlhs de mon amor
Lusisson mai qu'un planponh d'estelons
Es un miralh prigond
Ont se negan las careças
L'aiga d'aquela font
Fa pèrdre la rason
A se sabiatz la votz de mon amor
Coneissi pas de pus doça licor
Un arcan de velós
Que s'escapa de sa boca
Un sorire de mots
La votz de mon amor
A se sabiatz las mans de mon amor
Calinhan mai que los solelhs d'agost
Un ribal d'argenton
Que s'escampa per las combas
Sens barca ni gason
Un aigatge d'amor
A se sabiatz lo còr de mon amor
El dança mai que milanta trelhons
Es un ausèl joiós
Que me breça dins sas alas
De plumas de color
Lo còr de mon amor