2003 年 02 月 26 日 【晴】
好掛住老婆仔呀~ 好想快d 到星期日, 補習, 可以見到妳, 又突然之間好想見到妳, 好想好想... 就算可以聽下妳把聲都好, 但係呢幾日真係忙到死~ 謝師宴d 野又未搞掂, 星期一開完 Lunch Meeting, 今朝又要開會, 今日又 PE Test, 未到我 Test 之前, 係咁練, 練到 Pat Pat 肌肉都酸軟晒, 到我 Test 我時... 又... 唉~ 失敗... 成個 Pat Pat 坐落去, 開花~ 放左學番到屋企已經攰到死, 換左衫, 攤左係張 Sofa 度, 十五分鐘唔駛就訓著左, 一訓訓到成 6:45pm , 仲諗住打電話俾老婆仔添~ Hahaha... 訓醒... 之後又要溫書, 我下左決心每日至少抽兩個半鐘溫書, 我覺得溫一陣書比玩成日電腦過得充實~ 宜家我每日都會夜晚 10:45 之後先會 online, 因為要溫書~ 為會考~
太好啦, 聽日, 後日都放夏令時間, 放 1:30pm ~ 可以番屋企食飯, 儲下錢~ 我 Plan 過, 如果我今年做到暑假工, 做三個月, 又有 $ 3500 一個月呢, 今年我可以儲到過萬蚊, 唔諗咁遠, 呢筆錢俾我考車牌都夠, 我又應承左老婆仔, 到老婆仔 18 歲生日個時陪佢去旅行~ 都唔係唔諗咁多啦, 實實在在考好個會考先~
哈~ 唔知星期五, 接唔接老婆仔放學好呢? 同老婆仔一齊溫書? 幫佢溫習? 還是出去行街街好呢?