2003 年 05 月 18日 【陰】
琴晚好夜訓, 又閃電行雷 (閃電永遠行先架~ )嘈到死, 又同個Netfriend (男仔, 大過我), 係 Newsgroup 識既傾左好耐, 傾到 2 am, 傾左一d 野, 唔... 唔通我今次做錯左? 真係怪錯左佢? 但係我個時真係好煩架喎, 因為我溫書都已經溫到有d 忟忟憎憎, 又唔入腦喎, 本來想問多佢兩句, 搵人陪下我, Relax 下, 但係佢就咁話我, 雖然唔係出於佢口, 但係佢又 Repeat 番多次俾我聽~ 聽完個 Netfriend 咁講, 又覺得好似自己做錯左, 點都係自己溫書溫到發脾四. 做乜又要燒埋佢個疊先得架, 佢叫我算數就算啦, 但係我又唔知點開口好, 好難落台架嗎, 男仔不嬲都係要面子動物... 點好呢? 真係同佢 Say Sorry? ~
嘩~ 今朝訓到好晏先起身, 差不多 12 點, 訓醒就去飲茶...
哎呀~ 飲飲下茶肚痛, 唔知係唔係太耐無去飲茶, 太耐無食過咁油膩既野, 個肚頂唔住呢?
唉~ 今日都係無乜心情溫書, 絕對係科目既問題, 一拎起本書, 溫唔夠本個鐘就開始眼訓, 為左防止訓覺咪, 行個圈, 玩番陣電腦又溫過書... 週而復始, 搞到玩電腦既時間仲多過溫書既時間, 真係差勁~ 但都總算溫過d 野入腦既 Normalization, Floating point representation... 一堆見到都會暈既 1, 0, 1, 0...
琴晚聽個 Netfriend 咁講, 今日收到佢既 message 個時, 真係想同佢 Say sorry, 但係自己又好似乜都做唔到咁, 唔敢開口... 唉~ 可能今次真係怪錯左佢... 希望今次佢會明白我一時火遮眼啦~