2003 年 05 月 19日 【陰】
今朝好似成條成屍咁, 訓極都唔願醒, 因為醒左我又要溫書, 我又會做 Past Paper 寫 Program, 做到撕卷...
今日真係俾阿媽笑死, 斬雞竟然唔見雞喎, 明明一隻雞買番黎, 要煲湯所以就斬件啦, 哈哈~ 突然間大叫喎~ 呀~ 咦~ 唔見左件雞既? 我就即時衝入廚房喎~ 問下咩唔見左件雞啦, 原來唔見左一邊雞翼 And 半邊雞胸, 阿媽就講, 明明隻雞買左番黎先斬架, 點會無左既, 哈哈~ 笑鬼死我~ 斬雞唔見雞, 咪係個廚房度搵雞啦, 真係唔見左喎~ 最後都無理度個幾件雞... 溫書好過~
聽日考 Compu... 唉~ 好似唔係好識, 但係又唔想溫書喎~ 講真初時點解會揀 Compu 都唔知架, 有 A.maths 班我唔入, 揀 Compu... 都好既, 入呢班有機會突出自己~ Right?
今晚睇十萬噸情緣~ 正~ d 風景好靚, 個沙灘又大喎, d 沙又幼... 爽死~ 真係好正~ 如果有機會真係想同心愛既人去, 不過都唔知會唔會再有機會 lu~ 又係衰既, 發脾氣, 搞到而家佢唔開心... 但係我都唔想架, 我 EQ (Emotional Intelligence Quotient)低~ 如果我控制到, 就唔會搞到上次家嘈屋閉, 又搞到自己手都震晒(我懷疑自己可能有羊癎, 如果唔係既應該係心情激動, 導致身體分泌大量腎上腺素, 搞到手震)~ 但諗落又唔係我錯得晒... 咁做咩要話我煩先得架, 就算唔係妳講, 都無理由 10 句說話, 7 句都唔係同我講, 而係同電話後面d 人講先得架, 等多過講, 想講一句說話, 又會同左後面d 人講, 都唔留心聽我講既, 想我點喎... 手背又係肉, 手心又係肉...
*以下就係今日溫 Programming 既結果*
*偉大的 Bubble Sorting~ 電腦界中最龜速的Sorting~ (排列)*
Program XXX;
Var name: array [1..150]of string;
i, top, pos:integer;
Procedure swap (var X, Y:string);
Var temp:string;
begin
temp:=X;
X:=Y;
Y:=X;
end;
begin
for i:= 1 to 150 do
readln(name[i]);
pos:=1; top:=150;
for top:=150 downto 2 do
for pos:=1 to top - 1 do
if name[pos]>name[pos+1] then
swap( name[pos], name[pos+1]);
end.
PS. 有錯唔好打我... 因為我點都係會唔識~
唉~ 真係好驚, 之前六科我都無咁驚, 因為我有信心, 衰極都有限, 但係 Compu 呢科唔係, 識就識, 唔識就唔識, Programming 無得吹水架~ 只可以係 Case Study 上面拎分, 最怕係... 唉~ 驚呢科整到張 Cert. 唔好睇, 明明六個 C, 但係入面多左個 F, U... 咁點算呢...
Sorry~ 我唔係有心咁做... 或者我真係壓力太大... Forgive me~