2003 年 05 月 22日 【晴】
今朝訓到差不多 11 點... 好正~ 訓醒就差不多食 Lunch... 今完 Lunch... 悶... 悶... 悶... 悶... 又要等人整電視喎...
差不多 3 pm 終於都黎整電視啦~ 嘩~ 15 分鐘都唔駛就整完, 走埋~ 快得佢~ 之後就拉左阿媽同我去黃金... 哈哈~ 我買左 PS 2 啦~ YEAH~ 唔駛再悶啦~ $ 18XX 我覺得好抵, 因為可以玩足三個月, 又可以叫班 fd 上黎玩, 又可以佢埋佢上黎玩, 可以唔駛成日行街又熱又悶~
買完番左屋企, 就即刻出門口 lu~ 今晚我地去 Celebrate 會考結束~
我地去左尖咀海港城食意大利菜~ 勁好味呀, 又唔係話好貴喎~ 搵日一定要帶佢去食, 仲要夜晚行海旁, 因為夜晚既維多利亞港實在係好靚~ |
 |
我地三個人, me, Patrick and 振波約左
6:15pm等, 我就遲到, 差不多6:30pm 先到, 我地三個去左搵個間意大利餐廳, 因為係我阿媽話我知好食~ 搵到之後, 時間又好早,
袁永又未到喎, 咁咪 Book 左 Table 8:15 pm , 之後我地就行下街咁, 行左一陣, 我就話拎份禮物俾阿 Sa 媽, 順便去地鐵站接袁永,
跟住佢地又跟埋我一齊~ 我上左九龍酒店搵阿 Sa 媽, 送左份生日禮物俾佢, 就走左 lu~
落到地鐵站, 袁永仲未到, 咪拎部相機出黎, "捕"佢 lor~ 仲開左連環快拍~ 哈哈~ 好型仔呀~ |
|
|
|
等到袁永, 就四個人一齊落去海港城個間意大利餐廳, 嘩~ 去到已經排晒隊啦, 都要等成七八成 Table... 等係我地呢, 就頭先 Book 左 Table, 所以去到呢, 就掂行掂過, 當條隊無到咁, d 人就望住我地四個"o靚"仔乜咁把炮咁... 型死~ 食完, 叫 Coffee飲~ 恐怖~ 加左奶落去杯 Coffee 度, 無聊得滯影左幅相~ 影完睇番幅相, 見到一d 好奇怪既野~ 見到有一個類似骷髏骨頭既野呀~ 好得人驚~ 覺得個樣好憎惡, 好似魔鬼咁, 但係幅相係絕對無加工過 lor~ 除左而家見到既放大縮小之外, 就乜都無做過~ 之後我地四個就落左海旁坐加影相, 頂~ 死人袁永真係... 無d 情趣~ 又話悶又話乜... 咁難得考完會考, 梗係要 Relax 架啦, 影陣相都厭三厭四咁... 影左陣相, 我同 Patrick, 只係我地兩個, 講左一d 大家既心底話, 都係關於大家心裡最重要個個人, 我個個就係老婆仔, 佢個個就係一個佢旅行識既女仔... 今晚我同佢都將個心豁左出去~ 將自己既 Feeling and 心事講左出去之後, 成個人都輕左~ |
 |
係傾計既同時, 我地見到下面有一對情侶開始鬧交, 鬧鬧下, 個女仔轉頭走左, 仲行得好快, 個男仔就好無奈咁, 拎住個手提包, 垂下頭, 行得好慢, 完全無一d 想追番個女朋友既意思咁~ 我睇到咁既場面, 我覺得好心酸... 因為我唔想有一日我會同佢咁收場~
