2003 年 05 月 23日 【晴】
今朝 10 點起左身, 一起身就寫番前日個篇日記, 之後就開機打, 今日有得玩新機 PS2 , 好開心呀~ 今日成日都係打機, 因為我唔知除左打機之外, 仲有d 咩可以做 lor~
今晚睇十萬噸情緣, Jason and Yuma 彼此間既誤會都平息左, 但係再大既一個問題又出左黎... 明明都已經好番左, 都仲要俾人咁害法~ 唉~ 好慘~ 睇十萬噸情緣個時, 明白到一樣野, 原來兩個人一齊個時, 真係要對對方坦白架... 呢樣野, 好有做過, 只不過唔係做到最好姐~
哎呀~ 左腳隻腳趾公腫左呀, 仲含膿, 仲好x 痛呀~ 聽日無得踢波~ 好慘~ 搵人關心下我啦... 無人理我... 切左隻腳趾佢... 斬腳趾避沙虫~ 哈~
今晚有人打電話俾我喎, 初時都估唔到邊個, 就禁左去睇來電顯示, 佢個屋企電話, 但係唔係佢把聲, 我估係阿 May~ 佢地約我 2/ 6 Oral Practice 喎~ 都ok 既~ 反正無野好做~ 傾完重要野, 又未收線, 就四個人傾下計咁~ 明明我琴日先買左部機, 佢話我掛住打機都唔陪佢喎... 咩道理? 哈哈~ 我都想同佢傾多d 電話, 我無乜所謂, 阿媽都唔理既~ 嘻嘻~ 不過係佢唔得之麻~ 最搞笑係佢地三個打電話黎, 傾好晒咁滯, 打黎叫我諗地點喎... 有d 無奈...
唔知點解呢, 佢對我都係時淡時熱咁既... 唔理 lu~ No matter how, I will provide the best for her~
聽日... 可能會去搵下工, 又或者睇下有咩學, 例如法文啦~
PS. 琴日 Patrick 講過一句說話~ 你最愛個個, 未必會係你將來結婚個個~ 好玄~
我要搵一首歌, Anyone of us~