2003 年 05 月 24日 【晴】
今日繼續沉迷於打機玩樂之中, 本來今朝有波踢, 但係我隻腳趾公... 生倒甲, 搞到含晒膿咁, 仲超痛, 痛到標眼屎...
今日萬變不離開打機... 晏晝振波上左黎, 俾左盒錄影帶我, 錄左星期四個隻十萬噸情緣, 不過拎野俾我都係其次, 打機先係主菜~ 不過佢就有少少阻住我~ 本來想早d 打電話俾佢, 但係振波又上左黎我屋企, 無理由係振波面前傾電話架嗎~ 最後打到 5 pm 佢就走, 我就差不多出門口去婆婆屋企~
我一出門口, 就打電話俾佢啦~ 唉~ 本來諗住打俾佢, 話俾佢知我好慘, 等佢關心我~ 哈~ 仲要俾佢串番轉頭, 真係有d 無癮~ 算啦, 都叫聽到佢把聲... 今日佢好似有d 野咁, 成日都話我咩有阿媽, 又有阿妹咁, 又話我識好多女仔咁喎... 我邊有姐... 講又唔信喎~ 叫我以後點敢坦白呢... 無奈~
頂~ 部 Sony Ericsson 收得勁唔好, 又"疾" 喎, 講講下又斷左線喎, 真係火滾~ 真係要拿拿臨聽日買番部電話之得~ 好快無晒d 錢~ 仲有要去 Shopping~ 阿媽洗衫, 有衫甩色, 搞到我有兩條褲染左色, 要買番兩條褲, 仲要買番d 衫, 好似搵唔到衫著咁~
死啦~ 我隻腳趾公可能要睇醫生呀... 好痛呀... 點算呀~ 唔好番真係波都無得踢架啦~ 行路踢親都痛到我媽媽聲~
今晚係婆婆屋企食飯, 個個都問我考晒試未~ 今日同二彤*(表妹之一)玩... 俾佢打左好多下呀... 不過都唔痛既, 哈哈~ 同佢玩下都無所謂啦, 最怕玩玩下佢又喊姐... 三彤*(表𡜻之二)都仲係好怕我咁, 依然唔敢同我玩~ 原來我係大表哥喎... 今日先知, 之前以為我個表哥係佢地既大表哥, 原來我一直都搞錯, 因為我表哥, 只不過係佢地既堂哥咋... 哈哈~ 原來我都好老下~ 不過如果講爺爺屋企個邊, 我仲老~ 我以經係為人舅公啦~
聽到舅母 and 大表姐既對話, 唔知咩 N 95, 又 Shield, 又 Cover, 又 Glasses, ICU... 講梗莎士~ 佢地兩個都係做 Nurse...
今晚 online 超人齊, 自己班 F.5C , 有一半人 online~ 周 sir 都有 online~ 好耐未試過咁人齊~
PS. 好想睇 Matrix 2- Reloaded... 今日電話度本來想約佢下星期去睇架... 不過, 俾佢串到無晒癮...
YEAH~ 今日終於都 0 感染啦~ 勁~