2003 年 05 月 26日 【晴】
今朝訓到 12 點先起身~ 哈哈~ 訓得好好, 訓到咁晏都無乜罪惡感~ 但係今朝有d 奇怪, 平時阿媽一定會打電話俾我, 但係今朝就出奇的平靜~ 之後阿媽番到屋企, 就入黎搞搞個電話喎~ 唔掛之得打唔通啦~ 原來掛起左~ 噢~ 可能係今朝有個不知名又唔出聲茂利打電話黎個時, 我聽完電話無擺放正個電話啦~
今日無打過機~ 羅柚打電話黎, 喂~ 我今日唔出去啦~ 我搵到工啦... 我頂你個衰仔呀, 扔低我唔理... 正PK~
之後嘉維打電話俾我喎~ 大佬~ 係唔係買左 PS 2 啦~ 我心諗d 消息咁靈通既, 一定係睇左我個 Info~ 之後又問我今朝有無番學校咁, 傾左幾句就收左線~
接著之後就袁永打電話黎, 問我下晝有咩做, 我話無, 佢就叫我出旺角~ 咁咪出 lor~
隔左一陣到 Patrick 打電話黎, 問我下晝有咩 Program~ 我話同袁永出街 and 去法國文化協會 lor~ 佢話點解唔預佢, 咁咪叫埋佢去 lor~
出到去, 去左佐敦法國文化協會拎章程睇~ 想學法文呀~ 唔係好貴咋~ And Then 搭巴士去 MK , 係巴士度有傾有講, 袁永又知我買左 PS 2... 痴線... 早知唔寫係 ICQ Info 度啦~
去到旺角, 行左陣街, 佢就打電話俾我, 哈哈~ 有少少意外, 因為佢好少會呢段時間打俾我... 之後講番原來佢今朝 11 點打過電話俾我, 但係唔通喎, 我知道咩事啦, 梗係今朝個電話掛起左啦~ 不過我都係無同佢講... 因為班 fd 係度就唔好啦~ And Then 講講下... 我頂... $&$*!^#$@#!&$#@$*%_#!)$#_#*!@)$#@!*( ... 部爛鬼 Sony Ericsson 又講講下斷左線~ 過份... 遲早掟爛佢~ 斷左線之後, 我無左打番電話俾佢, 因為佢都差不多要同佢媽咪出街 lu~
之後我地上左日經拎章程睇學日文... 哈~ $ 900 幾唔係好貴~
之後上左信和... d 品流複雜地方, 都係少去為妙... 咩事就唔咩講啦~
之後就去潮特睇~ 我想買背囊呀~ 入左 Laosmiddle 睇, 見到兩個都幾好咁... 但係心諗買左番屋企又俾阿媽鬧, 所以都係先問左阿媽先買... 之後就去左夾糖食~ 夾左 $ 14.8 ... 抵到佢... 而家包糖都仲未食晒...
行完朝潮特, 去左 A-Look 諗住整副 Sun Glasses 戴下~ 哈哈哈~ 後尾都無揀岩就走左, 去左 Optical 88, 我副眼鏡花得好犀利, 仲要係右邊塊鏡片, 仲要係入面唔係出面喎, 都唔知點整花...
之後再行多陣街就番屋企 lu~
唔... 今晚 online~ 見到佢, 我同佢講左我想講既野... 唔寫啦~ 有時都唔知自己有無做錯... 講完左~ 又搞到佢誤會咁, 總之就好心酸啦~ 即係有時明明自己手執一個觀點, 覺得自己岩既, 但係講左俾佢知, 佢俾番既 Respone 我又好似係我錯咁... 就係咁... d fd 就係話我衰呢樣... 太軟弱~ 無d 男子氣概咁... 咁我都唔想喎... 有時我唔想無左佢, 咁咪就下佢, 佢話東咪東, 西咪西 lor~ 咁我都無辨法, 有時就係咁, 當你愛一個人既時候, 就會使你盲目, 甚至失去理性, 因為你想待他好, 所以對方說的話, 便不加以分析去接受...
唔~ 聽朝番學 Oral Practice, 睇醫生~ 順便去報名做義工~
*批評就像人們飼養的鴿子, 牠們永遠會飛回家的. 我們要瞭解, 被矯正或譴責的人, 常會為他自己辯護而反過來譴責我們的* -人性的弱點