2003 年 05 月 27日 【晴】
今日早左起身, 但係都成 10 點幾先起身, 起左身就換衫出街~ 去睇醫生, 睇腳趾~ 去左睇街症, 因為媽咪話可以轉介入去醫院睇專科~ 落到去, 拎左個 29 號籌~ 咁咪諗住等下 lor~ 等左五分鐘都唔夠, 阿媽就問下隔離個個婆婆排到幾多號~ Shit... 排到 10 號都唔排, 咁阿媽咪話無兩個鐘都唔輪到我, 咪咪去左食早餐先 lor~ 食完我見仲有成個鐘, 咁咪同阿媽講我番學校 Oral Practice 先, 一陣電聯 lor~
番到去學校, d 人仲上梗堂, 雖然我著住校服, 但係就著住波鞋, 上樓梯個時就勁俾d 學校望住~ 哈哈~ 吹咩~ 我中五既~ 哈哈~ 上到去五樓, 見到死人儲富有喎, 望左一眼就擰轉個頭, 廢事一陣俾佢見到我著住波鞋問呢問路, 煩到死個隻~ 之後我就同 Patrick and Ken Wong 練 Discussion~ 頂... 對住佢兩個, 我真係無野講, 佢兩條友, 英文 A 硬個隻... 得啦... 我自卑~ 跟住又做左一次 Rope play~ 之後就搵阿媽 lu~
去到診所, 就去左見姑娘... 度高磅重... 哈哈~ 高左咁啦... 又... 哈哈~ 之後就問我一d 問題... 又問打晒預防針未, 又問家族個d 野, 大佬~ 鬼識答咩~ 所以呢就全部我阿媽答晒... 見完姑娘, 又等左半個鐘, 終於叫我個名啦~ 入到去見醫生, 話俾醫生知我點點點... 五分鐘都唔晒就走得, 等咁耐都係見過唔夠五分鐘... 佢轉介左我去足病治療科度喎~ 不過話時話, 個醫生都幾後生, 都算幾靚女咁喎~ 哈哈~ 所以諗下諗下... 做醫生... 都幾抵得諗喎~
睇完醫生, 我就番學校, 阿媽就歸家, 分頭行事~ 我番到學校, 仲放梗 Lunch... 但係我著住對波鞋咁... 有d 驚俾殺人王捉... 但係諗落佢又無咁早食完 Lunch 喎~ 話之你~ 上左 Staff Room, 諗住搵李 Sir~ 又唔見佢喎, 就搵左周 Sir, 佢見到我, 好似好雀躍咁~ 哈哈~ 之後就同佢吹水, 吹吹下水貓仔就番埋黎~ 一齊吹... 吹吹下, Miss Yip 搵我, 佢話下星期要開會喎... 哦~ 之後又繼續吹水... 傾左兩堂~ 因為周 Sir 空堂... 哈哈~ 收左好多料呀~ 各方面都有~ 最後搵李 Sir, 噢~ 約唔到老師打師生賽添~ 因為太忙喎~
走左之後, 我就番左屋企附近剪頭髮, 之後就番屋企, 拎埋部相機就又出去, 借部相機俾 Tiffany, 又上左阿Bo 屋企整電腦... 唉~ 無能為力~ 阿 Bo 屋企... 痴線... 四個女性動物... 阿 Bo, Tiffany, 阿 Bo 個妹, 仲有阿 Bo 個阿媽... 陰氣極重... 我差d 俾佢地融左... 好彩我都仲招架得住...
番左屋企... 無咩好做... 食左藥又眼訓, 訓左一陣間就食飯... 食飽飯, 睇完十萬噸性緣就開機打~ 打到成 2 am 先訓... Zzzzz...
*如果要贏得一場好的辯論, 那麼唯一的好法子就是躲離辯論* - 人性的弱點