2003 年 05 月 28日 【陰】
今朝又係俾電話嘈聲左... 霞姨打電話黎問我地有咩做喎, 咁咪出左去行街 lor~ 出左旺角行~
差不多 12 點就出到旺角, 我同阿媽去左 U2 買左條褲, 試就試左6, 7 條, 但係合心水既就得一條~ 嘩~ 我到腰又粗左啦... 之後就去左 Laosmiddle , YEAH~ 我成功買左個背囊啦~ 哈哈~ 開心死~
係 Laosmiddle 出黎, 就行左出彌敦道個間 Optical 88, 有阿姨出動真係唔同d , 我幅眼鏡明顯唔關我事啦... 上次去個條友仔又話要俾 $ 300 幾換鏡片, 今次去~ 都唔駛講d 咩, 一蚊都唔駛就幫我拎幅眼鏡去整~ 阿姨好野~ 哈哈~ 不過下次呢, 都係搵d 資歷高d 既店員... 真係個d 普通視光師... 收皮啦... 不過我呢一兩日都無眼鏡戴...
之後買左條牛仔褲, 買完就落左意粉屋食下午茶... 我食左個咩田螺焗薯溶... 正~ 不過俾佢知我食d 咁高熱量既野實鬧我都似~ Tea Time 完就行宜家傢俬~ 因為我想買個筆筒, 唔~ 我亦得償所願, 有收穫~
哈哈~ 今日我係大贏家~ 收穫最多~ YEAH~
*人們會神經失常, 都是因為在瘋狂的夢境中, 去尋求苛刻的現實, 那是在人世上所不到的自重感* - 人性的弱點