2003 年 05 月 31日 【晴】
今朝九點半就醒左~ 因為我今朝約左 Patrick 上佢屋企睇下佢部電腦, 琴晚講好左叫佢今朝叫我起身架嗎~ 點知, 我起左身, 都無 Morning Call 喎~ 咁諗住佢唔記得左啦~ 咁我咪擦牙洗面先, 出門口先打電話俾佢, 哈哈~ 點知我打到去, 原來佢都仲未起醒喎... 真係... 失敗~ 咁我咪係屋企 hae 多陣先出門口 lor~
去到彩虹站, 佢叫我係 C 出口等佢, 有好多人係度等人, 但係就偏偏唔見佢既出現喎, 咁上過佢屋企咁多次都識路, 咁咪行出去, 撞下佢咁啦, 哈~ 點知出到隧道口都唔見人喎... 真係少打... 咁打電話俾佢, 佢又無帶手機喎, 咁咪等 lor... 等... 等左幾分鐘終於出現~
上佢屋企, 就入佢房睇下佢部電腦... 咁咁咁... 睇完就打機... PS & PS2 既機能... 明顯分別出晒黎... 畫面仔細度, 動作流暢度... 都唔駛再講 lu~ 哈哈~ 打機打到 12 點, 係佢屋企食埋 Lunch~ 之後又 hae 左一陣, 就同佢出深水埔黃金電腦商場~
去到深水埔, Patrick 約左佢媽媽, 因為要負責俾錢, 見到佢媽媽, Patrick 就俾人鬧無時間觀念~ 哈哈~ 搞野~ 嘩~ 去到個度, 諗住電腦展, 實會平d 啦, 但係多數都係賣 LCD Mon and Printer, 仲有d ISP (Internet Service Provider) 做 Promotion~ 哈哈~ 仲要人多到死又露天喎, 熱到仆街, 咁我地咪轉移陣地, 入去電腦商場入面睇 lor~ 唔~ 都係好多人, 但係好過出面無冷氣, 我地行左一個 Round, 睇下d 底板, 又格下價咁, 就先買左塊 MSI 既底板, $ 540 都幾好既~ 之後又行左一陣, 就買埋 Inter 2.6 GHz CPU With HT Technology, $ 1740~ 抵到爆~ 最後就賣埋 Western Digital 40 GB 7200 rpm 8 Mb Cache~ $ 530 and Samsung 512 Mb DDR333~ $ 465~ 全 Set 電腦都係 $ 3XXX~ 抵~ 有興趣可以搵我~
買完d 硬既, 就落左下面買d 軟既... 去到個間翻板碟鋪... 哈哈~ 要遲d 或者聽日喎... 頂~ 有d 白走一趟添~ 但係如果唔落去, 又睇唔到好野喎~ 哈哈~ 我同 Patrick 都異口同聲話 Espon 個個 Promotor 個個女仔幾靚女喎~ 嘻嘻... 不過唔靚女又點吸引到d 顧客去睇呢? 呢度無得買軟野, 咁 Patrick 咪話出旺角電腦商場買 lor~ 東家唔打打西家~
上番黎, Patrick 話想坐陣, 之後我地去左許留山食野, Antie 請我食野~ 食完野出黎, 嘩~ 見到好多人, 仲有攝影機, 相機, 大眾傳播媒介~ 咁人既心理就係咁, 八掛下睇下邊個明星啦, 但係又多人遮住喎, 企高少少睇, 咦~ 見到有個禿禿地頭既男人喎, 哦~ 我知~ 財爺, 梁錦松~ 哈哈~ 又係到亂"拋" (睇頭條新聞就知講乜)~
之後見唔係乜明星, 咁我地都唔理, 就落地鐵站走人, 之後我地各去各路, 我同 Patrick 出旺角, Antie 就先番屋企~ 出到去旺角, 又係多人... 但係我地唔係行家, 只不過係要買少少野就走~ 我地上左旺電, 買左 WinXP and Norton System Work 2003 Professional edition~ 但係唔係即時有得拎, 咁我地見有15 分鐘咁上下時間, 咪落番去行陣, 買野飲先啦~ 嘻嘻~ 又唔駛我俾錢~ 之後我地行左 izzue, 諗住買見衫, 謝師宴著, 但係我上次見到個件衫, 無左喎... 咁就只可以空手而回... 諗完兩隻碟我地就走人, 上佢屋企砌機~ 搭地鐵個時, 好掛住佢, 個痛又開始有少少痛, 打左個電話俾佢, 想睇下老婆仔把聲, 可以舒服d , 但係佢唔得閒, 咁我都無辦法, 唯有聽日再打俾佢啦~
上到去, 我先醒起唔記得食藥, 咁咪拿拿臨食番粒藥 lor~ 不過我覺得唔食又無壞喎~ And Then 我地開始... (砌機), 今次係我第一次砌機, 所以都有d 雞手鴨腳, 但都總算順利~ 不過其實砌機唔難, 係買硬件個時, 要睇番呢樣野 Sup 唔 Support 到另一樣野麻煩, 即係兩樣野 Match 唔 Match~
機就砌完, 成功開機~ 即係無事啦~ 到 Window 方面喎... 一開始就勁 load 機, 偵查到新硬體... 不斷重複... 不過 2.6 Ghz 真係勁快, 比起佢之前 500 MHz ... 嘩~ 差幾萬皮~ 不過有d 問題, 就係佢個 MODEM 個 Drive 唔得... 我都唔知咩事, 唯有快d 叫佢升做 WinXP 啦, 因為始終 Win98 都係五年前既產物, 亦都好多 Bugs... 不過向來 Microsoft 都係咁, 為左利益, 明知有 Bugs 都要如期推出巿面, 最後就係狂出 Service Pack 去 Debug~
砌完機, Antie 諗住留我係佢屋企食餐便飯, 但係 Patrick 就幫我成功推左, 因為我之前叫左佢咁做, 因為我唔多慣係人地屋企食飯, 親戚就唔計啦~
差不多走個時, 我個頭越黎越痛... 但係又無帶止痛藥喎, 唯有死頂... 番到屋企附近, 搵埋阿爸 and 細佬食飯, 食飽飯飯, 我地就去 CD 鋪, 老豆買左隻 Believe~ 但係真係好辛苦~ 我個頭痛到爆...
但係都無辦法, 只可以熬到番屋企為止... 番到屋企我食左粒特效 Panadol, 但係我又係度諗梗, 點解我會咁頭痛呢? 我覺得可能係d 消炎藥既 Side Effect~ 食完粒止痛藥, 個頭都仲好痛, 列開咁滯, 只可以訓係張 Sofa 度 Hae... hae 左一陣去左沖涼, 沖左個熱水涼, 好d ~ 但係都仲好痛, 咪又 hae lor~ Hae 左一陣個痛開始無咁痛, 我就開始寫日記 and ICQ 啦~
PS. 今日係 Patrick 屋企, Antie 話我個人好老實 and 細心喎... 我就唔多知啦~ 唔知大家又點睇我呢?