無題~

 

2003 年 06 月 02日　【晴】

今朝訓到 11 am 幾起身, 諗住佢會打電話俾我, 但係都無, 咁唯有自己起身啦~

我 11:30am 就出門口, 食左 Lunch, 之後就搭巴士入沙田, 哈哈~ 勁正呀, 俾我見到架黃色 Porsche 911 GT2 喎~ 超型仔~ 但係我拎唔切相機, 所以影唔到... 唯有睇住現有既先啦~

啦~ 都話架啦~ 型到爆燈~ 正呀~ 不過呢架係銀色, 無黃色咁型仔~

去到沙田, 我去左買飛先, 買左第 J 行喎~ 買完飛, 見時間仲好早, 一個人行下街咁啦, 但係就有d 不知名既電話打黎喎, 但係又唔識架喎, 仲要一個係留 Voice msg , 仲要個 Voice Msg , 得幾秒嘈音咁喎... 真係激死~

約左佢地一點鐘, 咁見行街都行得七七八八, 又差不多一點鐘, 咁咪落左地利店等啦, 去到都未見人, 咪渡下步又打電話俾佢, 哈哈~ 原來佢已經到左喎, 但係我又唔見佢既? 奇~ 見到佢地, 阿 May 就問我做乜搞到個頭咁, 咁我諗住呢個暑假日日都游水, 咪剪左咁既頭, 咪答佢涼爽d 嗎~ 仲差一個人, 咁我地咪等下, 傾下計咁 lor~

等左一陣, 人齊 lu~ 我地去 Oral Practice... 今日我俾我自己有 6, 70 分, 覺得自己仲差d 咬字, and 唔夠大聲, 仲有時覺得太快添~ 練 oral 個時, 哈哈~ 我手多多拎左相機出黎玩, 影左佢 and 阿 May, 仲有另外個個男仔~ 都唔記得左問佢點稱呼添~ 練到 2:15pm 因為個男仔約左人, 咁咪到止為止 lor~ 淨低我, 老婆 and 阿 may 三個人, 但係又未夠鐘睇戲喎, 咪行住街先 lor, 行到 Double Park (頭先無行到), 見到 fingercross 有件白色暗間 Polo 裇, $ 220 喎~ 我覺得好抵 lor~ 不過無買到, 廢事係兩個女仔面前買衫啦~ 而且我又想買件粉紅色既... 所以都係睇定d 先~ 之後 Miss Yip 打電話黎喎... 咦... 點解佢會打我手電呢... 一定係打過去屋企, 之後唔知係細佬 or 阿媽俾 miss 架啦~ 佢打電話黎 Remind 我聽日要著校服, and Confirm 下我班d 人有無問題~

行完 Double Park 出黎, 我地扔低左阿 May, 我同老婆去睇戲, 睇 The Matrix Reloaded~ 勁好睇~ 不過我地見到老婆d friend , and 其中一個 Friend 既爸爸喎~ 仲要佢地坐我地後面個行喎~ 頂... 咁我地咪唯有仕急馬行田, 調位坐, 原來坐 J 行, 調左坐 L 行, 仲要原本坐中間既位, 調到坐左右兩邊既位~ 哈哈~ 好彩今日閒日無乜人睇戲姐~ 我地坐左一陣, 我拎左份禮物出黎, 送左俾老婆, 但係佢執開個時, 唔小心整唔見左個筆蓋呀... 仲要呢個時間, 買左呢個位既人入黎喎, 咁我咪話, 唔好意思, 坐後左一行 lor, 之後就坐前一行, 同佢班 fd 平排, 但係都好彩, 中間有人隔住, 但係個筆蓋就搵唔番 lu~

睇完戲, 出黎, 我地又搵番阿 May , 但係因為老婆班 Friend 既關係, 又撇低阿 May, And 送老婆番屋企~

唉~ ... 有d 唔係咁開心... 不過我諗呢個問題無得解決 lor~ rog kb ifp mrno yrsu ytap rqyt~

rsp thbu mrno ohvf hqi wfyr ohhj oss sgjwp aimvu ~

*我很醜, 可是我很溫柔 曲：黃韻玲 | 詞：李格弟 | 編：黃韻玲*

*每一個晚上 在夢的曠野 我晨驕傲的巨人*
*每一個早晨 在浴室鏡子前 卻發現自己活在剃刀邊緣*
*在鋼筋水泥的叢林裡 在呼來喚去的生涯裡*
*計算著夢想和現實之間的差距*
*我很醜可是我很溫柔 外表冷漠 內心狂熱*
*那就是我 我很醜可是我有音樂和啤酒*
*一點卑微 一點懦弱 可是從不退縮*
*每一個早晨 在都市的邊緣 我是孤獨的假面*
*每一個晚上 在音樂的曠野 卻變成狂熱嘶吼的巨人*
*在一望無際的舞台上 在不被瞭解的另一面*
*發射出生活和自我的尊嚴 我很醜可是我很溫柔*
*白天黯淡 夜晚不朽 那就是我 我很醜*
*可是我有音樂和啤酒 有時激昂 有時低首 非常善於等候*

估唔到都咁耐, 佢都仲咁介意... And 佢都係唔信我... Sorry~ I have nth to say~

聽日要番學校開會呀... 又要搵張少仙喎, 開完會仲要搵周 Sir 喎~ 嘩~ 超忙~ Chairman 就係咁~

PS. d 廣告電話好鬼煩... 我地係盈科保險架, 有鑑於非典於肺炎啦... (下省數十字)~ 聽多兩句, 有佢講無我講, 哈哈~ Bye Bye 都無句俾我收鬼左線, 廢事係度 Waste 我d 電話費 and disturb 我睇戲~