2003 年 06 月 04日 【晴】
今日六四事件 14 周年 And 端午節~ 對於我黎講, 只不過係普通既一日~
今朝霞姨打電話叫我地飲茶~ 飲完茶, 霞姨就入左屯門, 大姨媽屋企, 我就同阿媽 Shopping~ 今日我地又係去旺角 Shopping ~ 因為我好想買電話~
出到旺角, 都仲好早, 其實都已經 12 點, 1 點鐘架啦~ 我同阿媽第一站就係睇電話~ 我想買 Samsung T400(水機) or T 408(行機), 呢兩個型號絕對係同一部機, 只不過型號號碼唔同姐, 可能用黎區別行貨 and 水貨姐~ 睇左百佬滙 and 鐳射~ 之後就轉左 Target~ 行機買衫~
我地之後上左新世紀行, 阿媽係 Esprit 買左佢粉紅色, 圓領 T ~ 我就係 Timberland 買左對拖鞋可以出街著, 之後係 Giardino 見到件 Polo 裇喎, 點知無我個 size~ 之後我同媽咪又去左食 Tea ~ Tea 完我地就走左, 我話落番旺角潮特個邊個間 Giardino, 睇下有無個件 Polo Shirt 啦~ 嘻嘻~ 亦都不負所望, 如願而償~ 之後又行左 A- Look , 我諗住如果阿媽睇岩款, 送俾佢, 當生日禮物, 雖然佢 9 月先生日... 之後睇左 U2~
最後我話睇多一次d 電話就走人, 我地就行左百佬滙 and 鐳射格下價錢咁... 部 Samsung T408 要成 $27XX- $28XX ... 好貴呀... 但係我又鐘意喎, 如果唔買 T408, Nokia 個部 6100 都幾好, 但係都要 $24XX , 但係得 4096 色 and 4 和弦鈴聲, 對比 T408 65K 色 and 40 和弦鈴聲... 真係差幾皮喎... 要諗過下先...
今晚番左爺爺屋企食飯, 唉~ 爺爺一日比一日消瘦, 身體情況一日比一日差, 以前有個大肚腩, 而家就皮包骨... 真係好令人擔心... 好驚... 我驚爺爺會睇唔到我大學畢業就... 爺爺咁多個孫, 最錫就係我, 同我細佬呢兩個孫, 我真係唔想佢有事呀...
今日番爺爺屋企食飯, 走個時見到某人...