2003 年 06 月 08日 【雨】
今朝 10:30 am 就起左身, 因為急屎... 哈~ 之後就睇左陣電視就落街飲茶...
約左 Tiffany 2:45 pm 但係飲完茶都係 1 pm 幾, 咁咪叫左媽咪同霞姨去西九龍行下, 幫我消磨呢個半鐘時間~ 今日西九龍搞 Function, 有 Edwin 蕭正楠打籃球喎, 但係到我走個時, 佢都未黎到... 不過見到d 低b 妹妹仔一早就拎住我牌霸定位, 支持佢地既偶像 lu~
之後就落左長沙灣地鐵站等 Tiffany And 袁永... 哈~ Tiifany 好準時到左, 但係死袁永... 等下又等下... 等左廿分鐘... 發老脾唔等啦~ 遲下佢就知死, 放我飛機既人無好下場... 哈哈~
今日我著左粉紅色 Polo T-Shirt , 拖鞋一對, Tiffany 就著粉紅色吊帶間條背心又係著拖鞋喎... 有d 似情侶裝... 唔識既會以為我地係 lor~ 不過我地唔係, 我地只不過係好朋友姐~ 之後我地兩個一齊出旺角, 佢話要睇數碼相機, 咁咪陪佢睇 lor , 睇左豐澤, 鐳射 and 百佬匯, 最後佢決定會買 Canon IXUS 400 , 不過佢話過多兩星期先~ 哈~ 因為佢仲差幾舊水~ 行完都 4:30 pm , 我地上左嘉樂商場 Double Star Tea Time... A A 制... 呢餐就係我地豐富既 Tea Time~ 不過話時話, 都好貴喎, 兩個下午茶餐, 要 $ 81 喎~ 對於儲錢買電話既我, 絕對係一個非常之重既負擔, 不過一餐半餐, 無乜所謂啦~ 唉~ 我好想買 Samsung T408 架~ 我自己出錢買, 但係我阿媽都厭貴, 唔俾我買喎, 咦~ 好Cheap 呀~ 成日都有彈無讚喎, 一陣又話部機無乜 Function 呀, 又話要彩芒做乜呀, 要和弦鈴聲做乜呀, 問埋一大堆問題都唔知做乜...
|
 |
 |
 |
我地去完鐳射睇之後, 去左百佬匯睇相機, 中途我地見到劉德華搞簽名會呀~ 好多人呀, 又逼喎, 但係以我既高度, 成功影左劉德華相~ 哈, 仲影得幾好咁喎, 可以做攝影記者啦~ 劉德華最近出左新碟先搞簽名會做宣傳, 新碟內好歌有: 如果有一天, 月老~ 呢兩首都幾好聽~ 不過今日見到華仔, 原來佢"手茶"好厚粉架... 做藝員個樣都係最重要, 所以我係做唔到 Artist lor~ |
今完 Tea, 我同 Tiffany 去左 A-look 睇眼鏡~ 我今日終於都試岩左幅眼鏡啦~ YEAH~ $ 128 咋~ 抵~ 不過無得做度數鏡片添... Shit... 考慮~
睇完 Sun Glasses 之後, 帶左 Tiffany 上友成睇相機, 睇完諗住就走啦~ 點知就唔記得借部相機俾佢喎, 咁咪拿拿臨 Call 佢 lor~ 反正佢係旺中買髮夾... 點知... 部電話都係唔得喎, 已經成日架啦, 明顯係電話問題啦~ 咁咪搵下有無公眾電話拉, 去左七仔打, 打兩次, 都聽唔到, 仲要入左 留言相箱, 食左我 $ 2 喎~ 頂~ 諗住佢頭先話搭 2A 番屋企, 去巴士站撞下佢啦, 等左一陣, 佢都好醒目(跟得我多, 近朱者赤, 近墨者黑) 有打電話俾我, 但係佢估唔到我係巴士站等佢姐~
之後巴士站後面有 "橙" , 拎部電話入去買... Shit... 要拎去整... 頂你個肺呀... 真係麻煩... 但係又閂左門, 咁聽日先啦, 唉~ 真係要快d 買番部電話呀... Samsung T 408 ...