2003 年 06 月 09日 【雨】
今朝老婆仔如常咁打電話俾我... 今朝講左d 野, 不過唔知佢有無擺係心度~ 其實, 我有時真係好心痛~ 見到佢俾屋企人咁鬧, 但係我又做唔到d 咩去幫佢喎, 好多時事我都可以單憑自己一個既力量與智謀解決, 唯獨是呢樣唔可以, 有時真係諗如果我同佢分開, 唔好咁自私, 咁佢咪唔可以受咁多苦 lor~ 但係一諗到呢到... 我就停滯不前咁... 算啦~ 都係無野啦~
同老婆傾完電話之後, 我沖左個涼~ 沖完涼我就打左俾 Doris , 因為佢琴晚同我講話要出去法國文化協會, 咁我有興趣學, 但係無人陪, 而家佢又話學番 Beginner Level 1 , 咁咪陪佢出去睇下, 兼且我要拎我部電話出旺角整~
約左 Doris, 但係佢話要番學校先, 咁岩佢學校又係我屋企附近, 而且我又約左袁永, 但係又未夠鐘出門口喎, 咁咪叫佢上黎我屋企坐下先啦, 之後一齊出去~ 佢上到黎我屋企, 我開左部 PS2 俾佢打~ 即係呢, 我終於明白點解d 女仔係咁唔鐘意d 電器野呀, 電腦野呀咁 lor~ 即係佢呢, 係 PS2 , 拎住個手制都唔得掂 lor~ 三角制, 正方制, 圓形制, 交叉制都唔識係邊 lor ... 拿~ 老婆... 如果打機個個係好呢, 我會好心機教妳既~ 不過如果教極妳都唔識呢, 唔好怪我唔客氣 lor~ 哈~
And then 時間到, 出門口~ 去到長沙灣地鐵站, 嘩~ 你估我見到邊個, 我見到馬翃呀... 仲唔只一個人, 仲係兩個添呀~ 我見到馬翃 And Kyile 呀~ 哈哈~ 佢兩個... 一個 F.5 , 一個就 F.1~ 即係馬翃初時就認人做契妹~ 哈哈~ 我仲記得馬翃佢第一次點係自修室識人, 因為我都有份, 只不過我係極度 Passive , 因為我顧住溫書, 無理佢~ 之後呢, 會考會排知道馬翃有個女朋友喎, 收到料係 Kyile... Woo... 由契妹升做女友... 仲要隔四年呢家野呢, 我就絕對唔得架啦~ 所以老婆妳可以放心架啦~
同佢兩個嗲左幾句之後, 就 Say Bye Bye 啦~ 之後就見到袁永喎~ 呵~ 今次算佢啦, 都幾準時既, 不過我都係要打佢, 鬼叫條粉腸放我飛機呀~ 佢還番 Mp3 機俾我, 但係就唔記得還錢喎... 正 PK~
之後我同 Doris 出左佐敦, 去左法國文化協會睇下d 章程啦~ 唔~ 睇完, 我就話要出 MK , 咁就去左搭巴士~ 等呀等~ 諗住有車就有得坐啦... 頂... 上層d 位俾d 雨水撇濕晒喎~ 頂~ 咁番落下層, 有個位無濕度, 咁我就讓左俾 Doris 坐, 我就企下, 落車... 哈~ 俾人玩左~ 諗住佢會陪我上去啦, 佢就無落車喎, 有d 無奈~
咁唯有一個人上去嘉樂商場隔離個幢栢裕商業中心 18 樓 Sony Ericsson 客戶服務中心, 拎部電話去整啦... 拎左 894 號籌... 等... 等... 等... 到我啦~ 咁將d Details 講晒俾佢知... 噢~ 要入院~ 不過今次住四個鐘就出得院, 但係我見要差不多 8 pm 先有得拎, 咁咪同佢講聽日先拎 lor~ 咁簽完個名, 就轉身走人... 今日就手好唔掂, 簽個名好核突~ Shit~
之後去左搭車番屋企... 頂... 係旺角道呢個塞車黑點又塞左好耐, 但係又無電話喎, 無得搵人傾電話... 悶到趴左係度....
番到屋企, 時間尚早, 打左陣機, 打到老豆番黎~ 7:30 pm 電話響, 搵楊先生, 即係搵我既~
*喂~ 楊先生呀, 我地呢度係 Sony Ericsson 打電話黎架, 我地會換過部新機俾你喎~ (即時醒左, 個頭上面多左個燈泡) , 但係呢~ (有但係都知唔好野) 咁岩 T 200 我地無晒貨, 咁要一兩星期先有貨, 我地到時有貨會即時通知楊先生你架啦~ *
嘩... 咁我咪兩星期無電話用... Shit... 勁無 Mood...
食飽飯, 諗到可以問 Friend 借電話, 之後就勁問班 Friend ... 亦都不負眾望, 問到阿斌借電話用~ 仲約左佢聽日 12: 45pm Lunch 添~ 之後袁永打電話黎問我呢幾日有咩做喎, 咁咪話俾佢知 lor, 佢又話要一齊 Lunch, 咁我咪叫埋佢還錢俾我 lor~
之後夜晚無乜好做~ 淨係約人番去 Meeting~ 之後就玩電腦啦~